वाशी: नवी मुंबईत (Navi Mumbai) नात्याला कलंक लावणारी एक घटना समोर आली आहे. पुतण्यानेच काकीवर बलात्कार (rape) केला. मुलांना जीवे मारण्याची धमकी देऊन आरोपीने हे कृत्य केले. वाशी पोलिसांनी या प्रकरणी ३१ वर्षीय आरोपीला अटक केली आहे. पीडित महिलेने एफआयआर (FIR) नोंदवल्यानंतर आरोपीला मंगळवारी अटक करण्यात आली. आरोपीला शुक्रवारपर्यंत पोलीस कोठडी सुनावण्यात आली आहे. (Navi Mumbai Man rapes aunt after threat to kill kids held)

"मागच्यावर्षी डिसेंबर महिन्यात मी मुलांसह वाशीमधल्या माझ्या घरी असताना, आरोपी तिथे आला. त्याने माझ्या मुलांना जीवे मारण्याची धमकी देऊन माझ्याबरोबर लैंगिक जबरदस्ती केली" असा आरोप पीडित महिलेने एफआयआरमध्ये केला आहे. भाच्याकडून होणारा हा लैंगिक छळ सहन होत नसल्याने पीडित महिलेने फिनाईल पिऊन आत्महत्येचाही प्रयत्न केला होता.

डिसेंबर नंतर आरोपी घरी येऊन सतत तिचा छळ करायचा. अखेर तिने हा सर्व प्रकार आपल्या भावाला सांगितला. भावाने हा सर्व प्रकार पीडित महिलेच्या नवऱ्याला सांगितला. त्यानंतर त्यांनी पोलीस ठाण्यात जाऊन आरोपीविरोधात तक्रार नोंदवली.