मानखुर्द : मानखुर्दच्या चीता कॅम्पमधील (mankhurd cheeta camp) पर्जन्यवाहिन्यांच्या दुरुस्तीला शुक्रवारी (ता. ८) सुरुवात झाली. स्थानिक नगरसेवक शाहनवाज हुसेन (shahnawaz hussain) यांनी तीन वेगवेगळ्या ठिकाणी या कामांचा शुभारंभ केला. परिसरातील पाच पर्जन्य जलवाहिन्यांची (water pipeline rearing) दुरुस्ती केली जाणार असल्याचे पत्र पालिकेने (navi mumbai municipal) नागरसेविकांना दिले होते.

चीता कॅम्पमधील पायलीपाडा, एम. जी. आर. रोड, अभिमन्यू शाळा ते हिंदुस्तान बँक केरळा मस्जिद. तसेच सिनेमा व मालिकांच्या चित्रीकरणासाठी प्रसिद्ध असलेल्या एस्सेल स्टुडिओ परिसरातील पर्जन्य वाहिनीच्या दुरुस्तीला पालिकेकडून नुकतीच सुरुवात झाली. याव्यतिरिक्त डी सेक्टर परिसर ते एस्सेल स्टुडिओपर्यंत नाल्याच्या बांधकामासाठी पालिकेकडून पाहणी करण्यात आली आहे. पाहणीदरम्यान बांधकामास अडथळा ठरणाऱ्या झोपड्या हटवण्याची आवश्यकता असल्याचे मत अधिकाऱ्यांनी व्यक्त केले होते. ही माहिती पालिकेने स्थानिक नगरसेवक शाहनवाज यांना पत्राद्वारे कळवली होती. शुक्रवारी त्याचा शुभारंभ करण्यात आला.