मुंबई ः बॉलीवूड अभिनेता सुशांतसिंह राजपूत मृत्यूप्रकरणी तपास करणारे केंद्रीय अमली पदार्थविरोधी पथकाचे (एनसीबी) उपसंचालक केपीएस मल्होत्रा यांचा कोरोना अहवाल पॉझिटिव्ह आला आहे. अभिनेत्री दीपिका पदुकोणच्या चौकशीवेळी मल्होत्रा तेथे उपस्थित होते.
दीपिकाची मॅनेजर करिष्मा प्रकाश, अभिनेत्री रकुलप्रीत व टॅलेंट मॅनेजर जया साहा यांच्या चौकशीवेळीही मल्होत्रा तेथे उपस्थित असल्याची माहिती सूत्रांनी दिली. करिष्मा प्रकाशसोबत 201 मध्ये झालेल्या चॅटवरून एनसीबीने दीपिकाची पाच तास चौकशी केली होती. त्या वेळी दीपिकाने 2017 मधील हे चॅट आपलेच असल्याचे मान्य केले; मात्र ड्रग्स सेवनाच्या आरोपांना नकार दिला. त्यात माल व हॅश हे सिगारेटसाठी सांकेतिक शब्द असल्याचे तिने स्पष्ट केले. एनसीबीने याप्रकरणी तिचा मोबाईल जप्त केला असून, डेटा क्‍लोनिंगच्या माध्यमातून जुन्या सर्व फाईल्स मिळवण्यात येणार आहेत. तसेच त्यांच्या बॅंक खात्याची गेल्या तीन वर्षांतील व्यवहार तसेच इतर व्यवहारांची तपासणी करण्यास एनसीबीने सुरुवात केली आहे.
या प्रकरणात अमली पदार्थांच्या रॅकेटच्या बाजूनेही तपास करणाऱ्या एनसीबीला महत्त्वपूर्ण पुरावे मिळाले आहेत. त्यामुळे रिया व तिचा भाऊ शौविक यांच्या अडचणीत वाढ झाली आहे. ड्रग्ज प्रकरणात रियाला 9 सप्टेंबरला अटक करण्यात आली. 6 ऑक्‍टोबरपर्यंत तिला न्यायालयीन कोठडी सुनाण्यात आली.
-----------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.