मुंबई : अंमली पदार्थ विरोधी पथकाने आज मुंबईत 2 आरोपींना अंमली पदार्थाची तस्करी करताना अटक केली आहे. त्यांच्याकडून 7 हजार 200 कोडीनयुक्त कफ सिरपच्या बाटल्या जप्त करण्यात आल्या आहेत. अंमली पदार्थाची वाहतूक करणार आणि स्विकारणाऱ्या दोघा आरोपींना अधिकाऱ्यांनी ताब्यात घेतले आहे.

(NCB Raid 2 Arrest In Mumbai)

जप्त करण्यात आलेल्या 7 हजार 200 बाटल्या भिवंडी परिसरात देण्यात येणार होत्या. तेथून त्या मुंबईतील विविध भागात पोहोचवल्या जाणार होत्या. असं आरोपींनी चौकशीत सांगितलं आहे. दरम्यान आरोपींची अधिक चौकशी करण्यात येत आहे. वाहतूक करण्यात येत असलेल्या अंमली पदार्थाची किंमत ही अंदाजे 40 लाख रूपये असल्याची माहिती अधिकाऱ्यांनी दिली आहे.

आरोपींना न्यायालयात हजर करण्यात येत असून मुंबई आणि ठाण्यात कोडीनयुक्त कफ सिरप (CBCS) च्या बेकायदेशीर पुरवठा करणाऱ्या आरोपींचे संबंध शोधण्यासाठी पोलिस त्यांची कोठडी घेणार असल्याची माहिती आहे.