राज्याचे मुख्यमंत्री उद्धव ठाकरे यांनी पुन्हा एकदा लॉकडाउन लावण्याचे संकेत दिले आहेत. आरोग्य विभागातील वरिष्ठ अधिकारी आणि कोविड टास्क फोर्ससोबत मुख्यमंत्री उद्धव ठाकरे यांची रविवारी एक बैठक पार पडली. धान्य पुरवठा, औषधं, अत्यावश्यक सेवा, वैद्यकीय सुविधा यांचे नियोजन करण्याचे निर्देश मुख्यमंत्र्यांनी मुख्य सचिवांना दिले आहेत. 

मुख्यमंत्र्यांच्या या भूमिकेमुळे राज्यात पुन्हा एकदा लॉकडाउन लागणार असल्याची चर्चा सुरु असताना राष्ट्रवादी काँग्रेसने या संदर्भात एक महत्त्वाचे विधान केले आहे. "महाराष्ट्रात कोरोना रुग्णांची संख्या वाढत चालली आहे. काल एकादिवसात ४० हजार कोरोनाबाधितांची नोंद झाली. निश्चित रुपाने लॉकडाउन जनतेला परवडणारे नाही" असे राष्ट्रवादी काँग्रेसचे प्रवक्ते आणि मंत्री नवाब मलिक म्हणाले. 

मुंबईत आज ५,८८८ नव्या कोरोनाबाधितांची नोंद, १२ रुग्णांचा  मृत्यू

"लॉकडाउन हा उपाय नसल्याचा आम्ही मुख्यमंत्र्यांकडे आग्रह धरला. त्याऐवजी आपण आणखी आरोग्य सुविधा निर्माण केल्या पाहिजेत" अशी राष्ट्रवादी काँग्रेसने भूमिका मांडल्याचे नवाब मलिक यांनी सांगितले. पण "सध्या ज्या पद्धतीने रुग्ण संख्या वाढतेय, त्यामुळे भविष्यात बेडची कमतरता निर्माण होऊ शकते. त्या दृष्टीने मुख्यमंत्र्यांनी प्रशासनाला तयारी करण्याचे निर्देश दिले आहेत. लॉकडाउनचा निर्णय अजून झालेला नाही. वेळ अजून हातातून गेलेली नाही. जनतेने शासनाने आखून दिलेल्या नियमांचे काटेकोरपालन करावे, तर लॉकडाउन टाळता येईल" असे नवाब मलिक म्हणाले. 

धक्कदायक: हागणदारी मुळं कमी झालाय, मुंबईच्या लोकलचा स्पीड 

मुंबईसह राज्यभरात कोरोना रुग्णांची संख्या झपाट्याने वाढत आहे. कालपासून मुंबईमध्ये सुद्धा रात्री आठवजल्यापासून दुकाने, बार, हॉटेल्स बंद करण्यात येत आहेत. राज्यभरात रात्रीची संचारबंदी लागू झाली आहे. महाराष्ट्राच्या काही जिल्ह्यांमध्ये कडकडीत लॉकडाउन पाळण्यात येत आहे. मुंबईतही रुग्ण संख्या काल सात हजारच्या जवळ पोहोचली होती. मुंबईत रुग्णसंख्या वाढत असली, तरी मृत्यूदर मात्र नियंत्रणात आहे. मुंबईत रुग्णसंख्या वाढण्यामागे चाचण्यांमध्ये झालेली वाढ हे सुद्धा एक कारण आहे.