मुंबई : परेल येथील प्रसूतीसाठी प्रसिद्ध असलेल्या वाडिया हॉस्पिटलमधील ऑपरेशन थिएटरजवळ आज सायंकाळी ७ च्या सुमारास आग लागली. रुग्णालयात पहिल्या मजल्यावर असलेल्या पेडियाट्रिक ऑपरेशन थिएटर जवळ युपीएस रुमला आग लागली असून पहिल्या आणि दुसऱ्या मजल्यावर धूर पसरला आहे.

आगीची माहिती मिळताच अग्निशमन दलाच्या ८ गाड्या तसेच ६ जंबो टँकर घटनास्थळी दाखल झाले असून आग विझविण्याचे प्रयत्न सुरू आहेत. या घटनेत कोणीही जखमी झाले नसल्याची माहिती पालिकेच्या आपत्कालीन व्यवस्थापन विभागाकडून देण्यात आली आहे.