मुंबई  ः आखाती देशातून परत आलेल्या अभिनेत्यांनी पालिकेच्या निष्काळजीपणामुळे विलगीकरणात न राहता मुंबईकरांमध्ये मिसळण्याचा पराक्रम केला आहे. पालिकेचा हा निष्काळजीपणा मुंबईकरांच्या जीवावर बेतेल, अशी खरमरीत टीका विधानपरिषदेतील विरोधीपक्षनेते प्रवीण दरेकर यांनी केली आहे.  

मुंबई परिसरातील बातम्यांचा आढावा घेण्यासाठी येथे क्लिक करा

आखाती देशातून मुंबईत आल्यावर नियमानुसार संस्थात्मक विलगीकरणात न जाता घरी गेल्यामुळे अभिनेता सोहेल खान, अरबाज खान आणि त्याचा पुत्र निर्वाण खान या तिघांवर गुन्हा दाखल करण्यात आला आहे. या तिघांनी परदेशातून आल्यावर स्वतःला हॉटेलमध्ये क्वारंटाइन केल्याचे सांगितले. परंतु तसे न करता ते आपल्या घरी गेले, यामुळे  पालिकेचा निष्काळजीपणा समोर आला. हा निष्काळजीपणा मुंबईकरांच्या जीवावर बेतेल याचे भान महापालिका आणि सरकारला आहे का ? असा प्रश्नही दरेकरांनी विचारला.

जिलबी अने फाफडा जनाब सेनेला द्या झापडा, सेनेच्या गुजराती प्रेमावर भाजपची टीका

कोरोना संसर्ग रोखण्यासाठी सरकार अनेक उपायोजना करत आहे, रात्रीची संचारबंदीही लावली आहे. तर दुसरीकडे या अभिनेत्यांच्या बाबतीत नियम पाळले जात नाहीत. यातून सरकारचा निष्काळजीपणा दिसून येत आहे, अशी टिका दरेकरांनी केली. प्रशासनाने याकडे अक्षम्य दुर्लक्ष केले आहे, हा निष्काळजीपणा करणाऱ्या अधिकाऱ्यांवर कारवाई करावी व असे प्रकार पुन्हा होणार नाहीत याची हमी मुंबईकरांना द्यावी, अशीही मागणी दरेकर यांनी केली.

The negligence of the administration will cost the lives of Mumbaikars

----------------------------------------

( संपादन - तुषार सोनवणे )