मुंबईः मध्य रेल्वेच्या मुंबई विभागांतर्गत आज विविध अभियांत्रिकी आणि देखभाल कामांसाठी आपल्या उपनगरी मार्गावर मेगा ब्लॉक असणार आहे.

ब्लॉक कालावधीत छत्रपती शिवाजी महाराज टर्मिनस- कुर्ला आणि वाशी-पनवेल विभागात विशेष गाड्या चालविण्यात येतील. हार्बर मार्गावरील प्रवाशांना सकाळी 10 ते दुपारी 4.30 या वेळेत ट्रान्स हार्बर लाइन, मेन लाइन मार्गे प्रवास करण्याची परवानगी राहील.

कुठे
ठाणे-कल्याण अप आणि डाउन जलद मार्गावर
 
कधी
सकाळी 10.40 ते दुपारी 3.40 दरम्यान

परिणाम

छत्रपती शिवाजी महाराज टर्मिनस येथून सकाळी 9.37 ते दुपारी 2.48 पर्यंत सुटणाऱ्या डाउन जलद मार्गावरील सेवा ठाणे आणि कल्याण स्थानकांदरम्यान डाउन धिम्या मार्गावर वळविण्यात येतील आणि ठाणे ते कल्याण दरम्यानच्या सर्व स्थानकांवर थांबतील. त्यासोबतच कल्याण येथून सकाळी 10.26 ते दुपारी 3.19 पर्यंत सुटणाऱ्या जलद मार्गावरील सेवा कल्याण ते ठाणे स्थानकांदरम्यान अप धिम्या मार्गावर वळविण्यात येतील. या सेवा कल्याण ते ठाणे दरम्यानच्या सर्व
स्थानकांवर थांबून पुढे मुलुंड येथे अप जलद मार्गावर वळविण्यात येतील आणि आपल्या निर्धारित थांब्यांवर थांबतील.

कुठे 
कुर्ला-वाशी अप व डाउन हार्बर मार्गावर
 
कधी 
सकाळी 11.10 ते दुपारी 4.10 दरम्यान

परिणाम

छत्रपती शिवाजी महाराज टर्मिनस मुंबई येथून सकाळी 10.34 ते दुपारी 3.39 या वेळेत सुटणाऱ्या बेलापूर,पनवेल, वाशीसाठीच्या डाउन हार्बर मार्गावरील सेवा रद्द राहतील. पनवेल, बेलापूर, वाशी येथून सकाळी 10.21 ते दुपारी 3.41 या वेळेत छत्रपती शिवाजी महाराज टर्मिनस मुंबईकडे जाणाऱ्या अप हार्बर मार्गावरील सेवा रद्द राहतील.

--------------------------

(संपादनः पूजा विचारे)

News railway passengers megablock on both Thane Kalyan routes today