मुंबई ः कोरोनाचा सर्वाधिक फटका बसलेल्या ग दक्षिण विभागातील नऊ कंटनमेंट झोन रद्द करण्यात आले आहेत. या प्रभागात गेल्या दहा दिवसात एकही कोरोना रुग्ण न आढळल्याने हा निर्णय घेण्यात आला आहे. वरळी आणि प्रभादेवी असलेला ग दक्षिण प्रभाग मुंबईतील कोरोनाग्रस्त भागापैकी एक महत्त्वाचा आहे.
कंटेनमेंट विभागातून निघाल्यामुळे या विभागातील नागरीकांवर बंधने काहीशी शिथिल झाले आहेत. या विभागात हालचालीवर असलेली कठोर मर्यादा तसेच एकमेकांपासून सुरक्षित अंतर ठेवण्याचे कठोर पालन केल्यामुळे कोरोना पसरण्याची साखळी तोडता आली आहे. आता हेच ग उत्तर प्रभागातील अन्य 36 तसेच मुंबईतील 721 कंटनमेंट झोनभागात घडावे अशी अपेक्षा व्यक्त होत आहे.
आदर्श नगर, सिद्धी प्रभा बिल्डींग, वरळी पोलिस कॅम्प, सती रस्ता, उत्कर्ष बिल्डींग, जोशी मार्गावरील बीडीडी चाळ, लोढा वर्ल्डन वन, आनंदछाया बिल्डींग तसेच अहुजा बिल्डींग आता कंटनेमेंट झोनमधून बाहेर पडले आहेत. अर्थात त्यानंतरही ग उत्तर प्रभागात शहरातील वरळी कोळीवाडा, जिजामाता नगर, जनता कॉलनी हे प्रमुख तीन कंटेनमेंट झोन आहेत.
ग उत्तर प्रभाग महापालिका तसेच सरकारसाठी चिंतेची बाब आहे. या प्रभागातील 3 हजार 554 जणांचे विलगीकरण करण्यात आले आहेत. त्यातील 86 टक्के रुग्ण हे झोपडपट्टी किंवा कच्चा घरातील आहेत. दरम्यान, या प्रभागातील 91 जणांवर यशस्वी उपचार झाले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.