मुंबई - मुंबई आणि महाराष्ट्रात कोरोना संसर्गाचा आकडा वाढताना पाहायला मिळतोय. कोरोनाची चेन तोडण्यासाठी देशात तिसरा लॉक डाऊन सुरु आहे. तरीही कोरोना रुग्णाची संख्या वाढतेच आहे. कोरोनाचा संसर्ग रोखण्यासाठी सरकारकडून मोठ्या प्रमाणात उपाययोजना राबवण्यात येतायत मात्र अशातही हवं तसं यश येताना पाहायला मिळत नाही. आरोग्य कर्मचाऱ्यांना कोरोनाची लागण होतेय. रस्त्यावर २४ तास ड्युटी करणाऱ्या पोलिस बांधवाना कोरोनाची लागण होतेय. पत्रकारांना कोरोनाची लागण झालीये. अशात धक्कादायक बाब म्हणजे मंत्रालयात देखील आता कोरोनाने घुसखोरी केलीये.
मंत्रालयात एका विभागाच्या प्रधान सचिवांना कोरोनाची लागण झाल्याची माहिती समोर येतेय. परराज्यातील मजूर आणि राज्यात अडकलेल्या नागरिकांच्या व्यवस्थेसाठी मंत्रालयात स्थापन करण्यात आलेल्या सचिवांच्या विशेष गटात या अधिकाऱ्याचा समावेश होता. संबंधित अधिकाऱ्याचा रिपोर्ट कोरोना पॉझिटिव्ह आल्यानंतर आता त्यांच्यासोबत काम करणाऱ्या सर्वांनाच क्वारंटाईन करण्यात आलं आहे. या आधीच मंत्रालयत पाच जण कोविड पॉझिटिव्ह आढळून आलेत. प्रधान सचिवांचा रिपोर्ट पॉझिटिव्ह आल्यानंतर आता मंत्रालयातील कोरोना पॉझिटिव्ह रुग्णांची आकडेवारी सहावर गेलीये.
मुंबईत कोरोनाची भीषण परिस्थिती आहे. मुंबईतून दररोज मोठ्या प्रमाणात कोरोना रुग्ण वाढताना पाहायला मिळतायत. सरकारतर्फे मोठ्या उपाययोजना देखील करण्यात येतायत. मात्र अशात आता जिथून या उपाययोजना राबवल्या जातायत त्या मंत्रालयात देखील कोरोना आपले पाय रोवतोय का असा प्रश्न आता उपस्थित होतोय.
officer working in mantralaya detected positive mantralaya covid count goes on 6
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.