मुंबई : मुंबई महानगरपालिकेचे शिक्षक जगदीश चौधरी यांचा कोरोनामुळे मृत्यू झाला आहे. याप्रकरणी जबाबदार अधिकाऱ्यांवर तातडीने कारवाई करण्याची मागणी विविध संघटनांनी केली होती. या मागणीची दखल घेत शिक्षण आयुक्तांनी या प्रकरणाची चौकशी करून अहवाल सादर करण्याची विनंती मुंबई महापालिका आयुक्तांकडे केली आहे.
शिक्षक जगदीश चौधरी हे मुक्ताबाई मनपा रुग्णालय कोव्हिड सेंटर,घापकोपर येथे कर्तव्यावर होते. त्यांना त्रास सुरू झाल्यावर कामातून मुक्त करण्याची विनंती अधिकाऱ्यांकडे केली होती. तसेच शालेय शिक्षण विभागाने 24 जून रोजी परिपत्रक निर्गमित करून कोरोनासाठी काम करत असलेल्या शिक्षकांना तातडीने कार्यमुक्त करावे असे आदेश दिले होते. यानंतरही क्षेत्रीय अधिकाऱ्यांनी त्यांना कार्यमुक्त केले नाही. त्यांना कोरोनाची बाधा झाल्याने त्यामध्ये त्यांचा मृत्यू झाला. याप्रकरणी संबंधित अधिकाऱ्यास निलंबित करण्याची मागणी शिक्षक भारती, प्रहार, शिक्षक परिषदेने केली होती. याची दखल घेत शिक्षण आयुक्तांनी संबंधित अधिकाऱ्याची चौकशी करण्याची विनंती महापालिका आयुक्तांकडे केली आहे. संबंधित अधिकारी दोषी आढळल्यास त्याच्याविरोधात शिस्तभंगाची कारवाई करण्यासाठी त्याचा अहवाल शिक्षण विभागास सादर करावा, असे पत्र शिक्षण आयुक्तांनी महापालिका आयुक्तांना लिहले आहे.
--------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.