ठाणे : ठाण्यातील कोलबाड, जाग माता मंदीर जवळ असलेल्या कोलबाड मित्र मंडळ या सार्वजनिक गणपतीच्या मंडपात आरती चालू असताना मंडपावर व दोन पार्क केलेल्या गाड्यांवर झाड कोसळल्याची घटना शुक्रवारी रात्री ८ वाजण्याच्या सुमारास घडली. या घटनेत राजश्री वालावरकर ( ५५ ) यांचा मृत्यू झाला असून प्रतिक वालावरकर (३०),सुहासिनी कोलुंगडे (५६),कीविन्सी परेरा ( ४०), आणि दत्ता जावळे (५०) हे चौघे जखमी झाले आहेत. तर दोन दुचाकींचे आणि गणपती मंडपाचे नुकसान झाले आहे. अशी माहिती आपत्ती व्यवस्थापन कक्षेने दिली.