मुंबई, ता.01ः नववर्षाच्या आगमनासाठी सर्व मुंबईकर आतूर झाले असताना वांद्रे येथे कार्बाईनसह फिरणाऱ्या एका संशयीताला अटक करण्यात आली आहे. मुंबई पोलिसांच्या गुन्हे शाखेने कारवाई केली आणि आरोपीच्या मुसक्या आवळण्यात पोलिसांना यश आलं आहे. धक्कादायक बाब म्हणजे या आरोपीला मुख्यमंत्र्यांच्या निवासस्थानाजवळून पकडण्यात आलंय. हा आरोपी मध्यप्रदेशातील रहिवासी असून त्याच्याकडून कार्बाईन, मॅगझीन, पिस्तुल व जीवंत काडतुसे जप्त करण्यात आली आहेत. प्रल्हाद ऊर्फ प्रवीण वेचन बोर्डे असे अटक करण्यात आलेल्या आरोपीचे नाव असून तो मध्यप्रदेशातील रहिवासी आहे. यावरून मुंबई आता कुणाच्या निशाण्यावर आहे असा प्रश्न उपस्थित होतोय. 

महत्त्वाची बातमी : समुद्राचे पाणी गोडे करण्याच्या प्रकल्पासाठी गारगाई धरणाचा प्रकल्प एक वर्ष प्रतिक्षेत ठेवण्याचा निर्णय

आरोपी तेथे शेती करतो असे त्याने चौकशीत सांगितले आहे. याप्रकरणी निर्मल नगर पोलिस ठाण्यात भादंवि कलम 325 सह हत्यारबंदी कायदा 37 (1)(अ) सह महाराष्ट्र पोलिस कायदा कलम 137 अंतर्गत गुन्हा दाखल करण्यात आला आहे.

मुंबई भागातील बातम्या वाचण्यासाठी इथे क्लिक करा । Mumbai News in Marathi from Thane, Navi Mumbai, Vasai-Virar, Mira Bhayandar, Kalyan Dombivali 

नववर्षाच्या पूर्वसंध्येला संशयीत व्यक्ती शस्त्रासह येणार असल्याची माहिती गुन्हे शाखेच्या कक्ष-8 च्या पोलिसांना मिळाली होती. त्यानुसार गुन्हे शाखेच्या पोलिसांनी सापळा रचला होता. सायंकाळी सातच्या सुमारास पोलिसांनी वांद्रे येथील इंदिरा नगर झोपडपट्टी जवळील फलाट परिसरातून तेथे आलेल्या संशयीताला ताब्यात घेतले. त्याची चौकशी केली असता त्याने उडवाउडवची उत्तरे दिली. त्याच्या झडतीत त्याच्याकडे  एक कार्बाईन, दोन मॅगझीन, तीन पिस्तुल व 15 जीवंत काडतुसे सापडली असून पोलिसांनी शस्त्रसाठा जप्त केला आहे. आरोपी या शस्त्र कशासाठी घेऊन आला होता याबाबत आता पोलिस अधिक तपास करतायत.

one person detained by mumbai police carrying carbine gun and other weapons