मुंबई - वीज पुरवठा करणाऱ्या ग्रीड मध्ये तांत्रिक बिघाड झाल्याने मुंबई महानगर प्रदेशातील परिसरातील वीज पुरवठा खंडित झाला आहे. यामुळे रेल्वे वाहतूक विस्कळीत झाली असून मुंबई विद्यापीठाच्या परिक्षेलाही याचा फटका बसला आहे. वीज पुरवठा सुरळीत होण्यास एक तास लागण्याची शक्यता असल्याचे उर्जामंत्री नितिन राऊत म्हटले आहे. दरम्यान, मुंबईचे आयुक्त इक्बालसिंह चहल यांनी रुग्णालयातील परिस्थितीबाबत माहिती दिली आहे.
रुग्णालयाना तातडीने जनरेटर आणि इंधन पुरविण्याचे आदेश महापालिका आयुक्त इक्बाल सिंह चहल यांनी दिले आहे .किमान आठ तास पुरेल इतका इंधन साठी करुन ठेवण्याचे निर्देश देण्यात आले आहे.विशेषता आयसीयू सेवेत खंड पडू न देण्याचे आदेश देण्यात आले आहे.
महापारेषणच्या 400 KV कळवा पडघा GIS केंद्रात सर्किट 1 देखभाल-दुरुस्ती सुरू होती. यावेळी सर्व भार सर्किट 2 वर होता. मात्र सर्किट 2 मध्ये अचानक तांत्रिक बिघाड झाल्याने मुंबई व ठाणे मधील बहुतांश भाग प्रभावित आहे. अशी माहिती उर्जामंत्री नितिन राऊत यांनी दिली आहे.
सकाळी दहा वाजण्याच्या सुमारास टाटा कंपनीच्या ग्रीडमध्ये तांत्रिक बिघाड झाल्याने पश्चिम रेल्वेवरील चर्चगेट ते बोरिवली दरम्यानची लोकल सेवा ठप्प झाली आहे आहे. दुरुस्तीचे काम वेगाने सुरू असून लवकरच रेल्वे सेवा पूर्ववत होईल, असे पश्चिम रेल्वेने सांगितले. दरम्यान, बोरिवली ते विरार मार्गावरील लोकल सेवा सुरळीत सुरू असल्याचेही पश्चिम रेल्वेने सांगितले.
---------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.