मुंबई: घराच्या मालकी हक्काच्या वादातून भावाची हत्या (murder) केल्याची घटना गोवंडीच्या (govandi) शिवाजीनगर परिसरात घडली आहे. अस्लम कुरेशी असे मृत व्यक्तीचे नाव असून या प्रकरणी शिवाजी नगर पोलिस ठाण्यात गुन्हा नोंदवण्यात आला आहे. (Over property dispute elder brother killed younger brother in govandi area)

गोवंडीच्या दुर्गा सेवा संघ परिसरात अस्लम कुरेशी आणि त्याचा भाऊ आरोपी अक्रम कुरेशी यांच्यात मंगळवारी वाद झाला. मोठा भाऊ अक्रमने अस्लमला रुम रिकामी करण्यास सांगितली.

त्यावरुन दोघांचे भांडण सुरु झाले. हा वाद विकोपाला गेल्याने राग अनावर झालेल्या अक्रमने अस्लम यांच्यावर तीक्ष्ण हत्याराने वार केले. यात जखमी अस्लमला राजावाडी रुग्णालयात उपचारासाठी दाखल केले असता, उपचारादरम्यान अस्लमचा मृत्यू झाला.या प्रकरणी शिवाजी नगर पोलिस ठाण्यात गुन्हा नोंदवण्यात आला असून पोलिस आरोपीचा शोध घेत आहेत.