Bordi Valu Mafiya News: पर्यटकांना भुरळ घालणारा बोर्डी गावचा निसर्ग रम्य समुद्रकिनाऱ्यावर वाळू माफीयांनी हैदोस घातला असून दररोज रात्री मोठ्या प्रमाणात वाळू चोरी होत असल्याच दिसून येत आहे. महसूल विभाग आंधळे असल्याचे ढोंग घेत असल्या मुळे ग्रामस्थांमध्ये तीव्र नाराजी व्यक्त केली जात आहे.

बोर्डी गाव पर्यटनासाठी प्रसिद्ध असून गावाच्या पश्चिमेला असलेल्या अरबी समुद्राच्या किनारी सुरुची वनराई व निसर्ग रम्य समुद्रकिनारा असल्याने पर्यटकांना नेहमीच भुरळ घालत असतो. हजारो पर्यटक या ठिकाणी निसर्गरम्य समुद्राचा व समुद्रकिनाऱ्याचा आनंद लुटण्यासाठी येत असतात. परंतु वाळू माफियांनी या किनाऱ्या चे सौंदर्य नष्ट करण्याचा विडा उचलला आहे. रात्रीच्या वेळी ट्रक, पिकअप व्हॅन मधून वाळूची चोरी केली जात आहे.

त्यामुळे समुद्रकिनाऱ्यावर मोठ मोठाले खड्डे पडत आहेत. याच परिसरात शाळा कॉलेज असल्यामुळे अनेक मुलं समुद्रकिनाऱ्यावर खेळण्यासाठी जात असतात वाळू माफियांनी केलेल्या खड्ड्यामुळे मुलांची सुरक्षा देखील धोक्यात आली आहे. याबाबत बोर्डीतील काही तरुणांनी महसूल व पोलीस विभागाचे लक्ष वेधले आहे. दोन्ही विभागांनी या वर कारवाई करण्याचे संकेत दिले असले तरी प्रत्यक्षात कृती होत नसल्यामुळे प्रचंड नाराजी पसरली आहे.