Palghar News: मोखाड्यातील देवबांध नदीच्या काठी सह्याद्री आदिवासी बहुविध सेवा संघाने, सुंदर नारायण गणेशाचे मंदीर आहे. येथे प्रतिवर्षी माघी गणेश जयंती ला हजारोंच्या संख्येने गणेश भक्त येतात.

याही वर्षी मोठ्या संख्येने श्री गणेश भक्त पायी दिंड्या घेऊन आले होते, भजन किर्तनाने संपुर्ण निसर्गरम्य परिसर गणेशाच्या नामाने दुमदुमला आहे. आलेल्या भक्तांना केंद्राने महाप्रसादाची व्यवस्था केली होती. 

              देवबांध नदीवर पांडव कालीन दगडी बांध आहे. चोहोबाजुंनी डोंगर आणि गर्द झाडी आहे. या निसर्गरम्य परिसरात सह्याद्री आदिवासी बहुविध सेवा संघाने, सुंदर नारायण गणेश मंदिर बांधले आहे. येथे प्रतिवर्षी माघी गणेश जयंती मोठ्या उत्साहाने साजरी जाते.

माघी गणेश जयंती साजरी करण्याचे हे  50  वे वर्ष आहे. येथे पालघर, ठाणे, नाशिक जिल्ह्यासह लगतच्या तालुक्यातील मोठ्या संख्येने गणेश भक्त आले होते. पायी दिंड्या, भजन आणि किर्तनातुन संपुर्ण परिसर भक्तीमय झाला होता. 

              येथे आलेल्या श्री गणेश भक्तांना श्री सुंदर नारायण गणेश संस्कार केंद्राने महाप्रसादाची व्यवस्था केली होती. यावर्षी गणेशाच्या दर्शनासाठी मोठी गर्दी भक्तांची उसळली होती. परंतु शिस्तप्रिय वातावरणात सर्व गणेश भक्तांनी रांगेत ऊभे राहुन दर्शन आणि महाप्रसादाचा लाभ घेतला आहे.