पनवेल : खारघर आणि पनवेलच्या नेरे या भागांत दोन विवाहितांनी (Married woman) छळाला कंटाळून आत्महत्या (suicide incident) केल्याच्या घटना घडल्या. या दोन्ही घटनांमध्ये संबंधितांना अटक केली आहे; तर सहभागी इतर आरोपींचा शोध सुरू आहे.
खारघरमध्ये मनिषा वाळेकर (Manisha walekar) हिने २ नोव्हेंबर रोजी पती गोपीचंद याच्याकडून मारहाण झाल्यानंतर टाटा रुग्णालयाजवळ (Tata hospital) एका झुडपात गळफास घेऊन आत्महत्या केली.

तीन दिवसांनंतर मनीषाचा मृतदेह गळफास घेतलेल्या स्थितीत आढळून आला. गोपीचंद याचे अन्य महिलेशी अनैतिक संबंध असल्याने तो मनीषाला मारहाण करीत होता. या छळाला कंटाळून तिने आत्महत्या केल्याची तक्रार मनीषाच्या वडिलांनी केली. नेरे येथील नेहा नरेश पाटील (२४) हिने ४ नोव्हेंबर रोजी दुपारी आपल्या राहत्या घरात गळफास घेऊन आत्महत्या केली.

नेहाचा पती नरेश रामदास पाटील आणि नेहाची चुलतसासू हिराबाई रामदास पाटील (४५) पैशांसाठी मानसिक छळ करत होते. नरेश याच्या आजीच्या नावाने सुकापूर येथे असलेल्या जमिनीच्या मालकी हक्कावरून तसेच हिश्श्यावरून नरेश पाटील हा नेहाला वारंवार मानसिक त्रास देत होता, असे नेहाच्या वडिलांनी तक्रारीत म्हटले आहे.