पनवेल : सध्यस्थितीत सम-विषम पद्धतीने सुरु असलेली दुकाने सरसकट सुरु ठेवण्यास परवानगी देण्यात यावी. अशी मागणी सातत्याने करण्यात येत होती. त्यामुळे आता पनवेल महापालिका प्रशासनाने 15 ऑगस्टपासून सकाळी 9 ते सायंकाळी 7 वाजेपर्यंत सरसकट दुकाने उघडी ठेवण्यास परवानगी देण्याचा निर्णय घेतला आहे. 

ही बातमी वाचली का? Mumbai Rain: मुंबई- ठाण्यासह उपनगरात मुसळधार पाऊस, जाणून घ्या पावसाचे लेटेस्ट अपडेट्स 

महापालिकेच्या या निर्णयावर व्यापारी असोसिएशनने समाधान व्यक्त केले असून, लॉकडाऊनमुळे अडचणीत सापडलेल्या व्यापाऱ्यांना आगामी गणेशोत्सव काळात पालिकेच्या या निर्णयाचा फायदा होणार असल्याचे मत व्यापारी असोशियनचे कमल कोठारी यांनी व्यक्त केले आहे.

ही बातमी वाचली का? दहावी, बारावी उत्तीर्ण न होऊ शकलेल्या विद्यार्थ्यांबाबत राज्य शिक्षण मंडळाचा मोठा निर्णय

पनवेल महापालिकेकडून याबाबत एक पत्रक प्रसिद्ध करण्यात आले आहे. या पत्रकातून पनवेल महापालिका हद्दीतील कोव्हिड -19 ची परस्थिती नियंत्रणात असल्याचे सांगण्यात आले आहे. लोकांकडून होत असलेल्या मागणीमुळे सरसकट दुकाने उघडी ठेवण्याचा हा निर्णय घेण्यात आला आहे. मात्र असे असले तरी मॉल्स, मार्केट, कॉम्प्लेक्स जिम तसेच स्विमिंग पूल मात्र बंदच ठेवण्याचा निर्णय घेण्यात आला असल्याचे पालिकेकडून सांगण्यात आले आहे.
--------------------------------
(संपादन : गोरक्षनाथ ठाकरे)