वसई ः वसई-विरार शहरात नागरिकीकरण वाढत आहे. याचाच फायदा घेत दाट वस्ती शोधून अमली पदार्थांची विक्री करणारे काही नायजेरियन वास्तव्य करतात. याची पाळेमुळे वसई-विरार शहरात वाढली आहेत. त्यामुळे तरुणाई व्यसनाच्या विळख्यात सापडत आहे. आता पोलिसांनी कंबर कसली असून, तस्करांची धरपकड सुरू केली आहे. त्यामुळे तस्करांचे धाबे दाणाणले आहे. 

खटल्यास गैरहजेरीची मागणी हा निव्वळ बनाव! डॉ. तडवी आत्महत्या प्रकरणी मुंबई पोलिसांचा आरोप

नालासोपारा प्रगतीनगर येथे नुकतेच दीड कोटीचे अमली पदार्थ पोलिसांनी सापळा रचून जप्त केले व संशयित नायजेरियनांच्या मुसक्‍या आवळल्या. यानिमित्ताने नायजेरियन व अमली पदार्थ हा प्रश्‍न समोर आला आहे. वसईत चाळी, इमारतींची संख्या मोठ्या प्रमाणात आहे. अनेक गुन्हेगार या ठिकाणी आसरा घेतात. वाढती लोकसंख्या पाहता त्यामानाने पोलिस बळ अपुरे होते म्हणून मिरा-भाईंदर, वसई-विरार आयुक्तालयाची स्थापना झाली. नव्याने अधिकारी, कर्मचारी रुजू झाले आहेत. गुन्हेगारीवर अंकुश बसण्यासाठी या पोलिसांचा फायदा होऊ शकतो. 

तिघाडी सरकारच्या अहंकारी निर्णयामुळे मेट्रोबाबत मुंबईकरांच्या माथी दिरंगाई; भाजपची टीका

पश्‍चिम आफ्रिका येथील फेडरल रिपब्लिक ऑफ नाईजीरिया या देशातील नायजेरियन नागरिक वैद्यकीय उपचार, शिक्षण, पर्यटन याकरिता भारतात येतात; मात्र विसाची मुदत संपली तरी अवैध मार्गाने राहतात. मुंबई आणि मुंबईच्या जवळच्या उपनगरात संख्या वाढतच आहे. वसई-विरार शहरात काही महिन्यांपूर्वी 42 नायजेरियनची नोंदणी झाली होती; परंतु यांची संख्या तीन हजारांहून अधिक आहे. जे चाळीत किंवा इमारतीत भाडेतत्त्वावर घर घेणे यासाठी जास्त भाडेही दिले जाते; परंतु इमारतीत धिंगाणा घालणे यामुळे अनेकदा रहिवाशांना त्रासाला सामोरे जावे लागत असते. नालासोपाऱ्यात काही महिन्यांपूर्वी नायजेरियन नागरिकाचा मृत्यू झाला. या वेळी नायजेरियन संतप्त होत रस्त्यावर उतरले व वाहनांची तोडफोड, जाळपोळ केली होती. 

वसई-विरार शहरात अमली पदार्थ तस्करी करणाऱ्यांवर कारवाई केली जात आहे. संबंधित पोलिस ठाण्यांतर्गत गुन्हेही दाखल करून आरोपींची चौकशी केली जात आहे. अशा लोकांवर यापुढे कडक कारवाई केली जाणार आहे. 
- संजय पाटील,
उपायुक्त, वसई

--------------------------------------------------------- 

( संपादन - तुषार सोनवणे )