भाईंदर : कोविड साथ रोग नियमांचे उल्लंघन (corona rules) केल्याप्रकरणी भाजपचे माजी आमदार नरेंद्र मेहता (Narendra mehta) यांच्यासह आठ जणांवर गुन्हा दाखल (police complaint filed) करण्यात आला आहे. मिरा भाईंदर महापालिकेच्या (Mira bhayandar municipal) सहाय्यक आयुक्त कांचन गायकवाड (Kanchan gaikwad) यांनी नवघर पोलिस ठाण्यात दाखल केलेल्या तक्रारीवरून हा गुन्हा नोंदवण्यात आला आहे.

पोलिस ठाण्यात करण्यात आलेल्या तक्रारीनुसार भाईंदर पूर्व भागात भिनमल जैन संघाच्या रुग्णालयाच्या उद्घाटनप्रसंगी नरेंद्र मेहता, तसेच इतर सात जणांनी तोंडावर मास्क न घातला नव्हता. तसेच गर्दी जमवून कोविड नियमांचे उल्लंघन केले. त्यामुळे मिरा भाईंदर महापालिकेच्या सहाय्यक आयुक्त कांचन गायकवाड यांनी नवघर पोलिस ठाण्यात कोविड नियम उल्लंघन प्रकरणी तक्रार दाखल केली होती. त्यानुसार आता माजी आमदार मेहतांसह आठ जणांवर गुन्हा दाखल करण्यात आला आहे.