आजकाल सुट्टी मिळत नसेल तर दुसरा उपाय म्हणून अनेक जण आजारी असल्याचं कारण देत सुट्टी घेतात. असाच एक प्रकार समोर आला आहे. आजारी असल्याचं कारण देत सुट्टी घेणाऱ्या पोलीस निरीक्षकास, हे खोटं बोलणं फार महागात पडलं आहे. यामुळे पोलीस निरीक्षकास निलंबित करण्यात आलं आहे. (Latest Maharashtra News)

आजारपणाच कारण देत गणपतीसाठी गावाला जाणं पोलीस निरीक्षकास चांगलंच महागात पडलं आहे. लोहमार्ग पोलीस आयुक्त रविंद्र शिसवे यांनी पोलीस निरीक्षकास निलंबित केले आहे. घाटकोपर मुख्यालयात असलेल्या राखीव पोलीस निरीक्षक संजय सावंत यांनी गणपतीला गावी कणकवलीला जाण्यासाठी रजा मागितली होती.(Latest Marathi News)

मात्र, संवेदनशील बंदोबस्त असल्याने साप्ताहिक सूट्टी वगळता सगळ्या रजा रद्द करण्यात आल्या आहेत. १४ तारखेला राखीव पोलीस संजय सावंत यांनी आजारी असल्याचं कारण देत सुट्टी घेतली. पण, ते आजारी आहेत का? याची खात्री करण्यासाठी त्याच्या ठाकुर्ली येथील घरी पोलीस कर्मचारी पाठवला असता संजय सावंत गावी गेल्याचे समजताच त्यांच्यावर कारवाई करण्यात आली आली.(Latest Maharashtra News)

गणेशोत्सव सुरू असल्याने राज्यभरात मोठा पोलिस बंदोबस्त तैनात करण्यात आलेला आहे. मुंबई, पुण्यासारख्या मोठ्या शहरांमध्ये राज्यभरातून भाविक येत असतात. अशातच कोणतीही अनुचित घटना घडू नये म्हणून मोठा पोलिस बंदोबस्त तैनात करण्यात येतो.