मुंबई : मुंबईला बॉम्बने उडवून देण्याची किंवा गोळीबार करण्याची धकमी अनेकदा मुंबई पोलिसांना मिळाली आहे. त्यामध्ये आता परत एका धमकीची भर पडली असून ही धमकी मुंबई पोलिसांना मिळाली आहे. आरोपीने ट्वीटरवर पोस्ट करत ही धमकी दिली असून पोलिसांनी याबाबतचा तपास सुरू केला आहे.
काल सोमवारी साधारण सकाळी अकरा वाजेच्या सुमारास ही पोस्ट पडली असून "मी मुंबईला लवकरच बॉम्बने उडवणार आहे." असा मेसेज या व्यक्तीने ट्वीटरवर केला आहे. त्यामुळो पोलीस यंत्रणा सतर्क झाली आहे.
धमकी मिळाल्यानंतर काही वेळातच मुंबई पोलिसांनी सायबर क्राईमच्या मदतीने आरोपीची ओळख पटवली असून त्याला अटक केली आहे. त्याचबरोबर या आरोपीची चौकशी करण्यात येत असून अधिकचा तपास सुरू असल्याची माहिती मुंबई पोलिसांनी दिली आहे. मुंबईमध्ये २६/११ ला झालेल्या हल्ल्यासंदर्भातही मुंबई पोलिसांनी फोन आला होता.
दरम्यान, काल (सोमवारी) मुंबई पोलीस कंट्रोल रूमला एका अज्ञात व्यक्तीचा फोन आला होता. त्यामध्ये त्याच्याकडून "मला २६/११ च्या दहशतवादी हल्ल्याच्या संदर्भात माहिती देणारे फोन येत आहेत" अशी माहिती देण्यात आली होती. त्यानंतर त्याने फोन लगेच कट केला होता. त्यामुळे मुंबई पोलीस अलर्टवर आले असून या फोनसंदर्भात माहिती घेण्यासाठी तपास सुरू केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.