मुंबई : भडकाऊ भाषण केल्याप्रकरणात भाजपचे निलंबित आमदार टी राजा याच्या अडचणीत वाढ झाली आहे. त्यांच्या विरोधात आता मुंबई पोलिसांनी एफआयआर नोंदवला आहे.

मुंबईत 29 जानेवारी रोजी एका जाहीर सभेत द्वेषपूर्ण भाषण केलं होतं. या प्रकरणी मुंबई पोलिसांनी भाजपचे निलंबित आमदार टी राजा सिंह यांच्याविरोधात एफआयआर नोंदवला आहे. आयपीसी कलम १५३ ए १(अ) अंतर्गत एफआयआर नोंदवण्यात आला आहे.

तेलंगणातील भाजपचे निलंबित आमदार टी राजा सिंह यांनी 29 जानेवारी रोजी मुंबईतील हिंदू सकल समाज मोर्चात कथित द्वेषपूर्ण भाषण दिल्यानंतर दादर पोलिसांनी त्यांच्यावर गुन्हा दाखल केला आहे. दोन समुदायांमध्ये शत्रुत्व निर्माण करणार्‍या आणि धार्मिक सलोख्याला बाधा आणणारे चिथावणीखोर वक्तव्य केल्याबद्दल गुन्हा दाखल करण्यात आला. एक रॅली काढण्यात आली ज्यात सिंग यांनी भाषण केले जे सोशल मीडियावर व्हायरल झाले होते, त्यानंतर ही कारवाई करण्यात आली आहे.