मुंबई: कौटुंबिक वादातून मानसिक नैराश्य आलेल्या एका पोलिस कर्मचाऱ्याने दादर येथील इमारतीवरुन उडी मारुन आत्महत्येचा प्रयत्न केल्याचा धक्कादायक प्रकार घडला आहे. याप्रकरणी वरिष्ठ पोलिस अधिकऱ्यांनी या पोलिसाची समजुत काढत त्याला ताब्यात घेतल्याने हा अनर्थ टळला. सुमारे ४ तास हा थरार चालू होता. 

हेही वाचा: अरे वाह! आता रुग्णाच्या नातेवाईकांना फोनवरून मिळणार रुग्णाबाबतची माहिती; केईएमच्या डॉक्टरांना देण्यात आले टॅब..

प्रशांत पाटील(30)(नाव बदलले आहे) हे सशस्त्र पोलिस दलात त कार्यरत आहेत. ते दादर पुर्वकडील शिंदेवाडी परिसरात काही सहकाऱ्यांसोबत  राहतात. अशातच गेल्या अनेक दिवसांपासुन पाटील मानसिक नैराश्यात होते. त्याची पत्नी व इतर कुटुंबिय गावी वास्तव्याला असून कौटुंबिक वादातून त्यांच्या नैराश्य आले होते, अशी माहिती उपायुक्त(एलए) नंदकुमार ठाकूर यांनी दिली.  

 शनिवारी सकाळी पाटील शिंदेवाडी येथील शिवनेरी इमारतीच्या गच्चीवर गेले. येथुन ते आत्महत्येचा प्रयत्न करु लागले. मात्र हा सर्व प्रकार येथील नागरीकानी पाहताच, त्यांनी तत्काळ भोईवाडा पोलिसांना याची माहिती दिली. तर पोलिसांनी घटनास्थळी धाव घेतली. तसेच अग्निशमन दल देखील या ठिकाणी पोहचले. 

हेही वाचा: भायखळा, वरळी डेंगी बॉम्बवर; महापालिकेने हलवल्यात तब्बल १ लाख वस्तू... 

याप्रकरणाची माहिती समजताच, तत्काळ पोलिस उपायुक्त सौरभ त्रीपाठी, सहाय्यक पोलिसमी आयुक्त संगिता पाटील आणि वरिष्ठ पोलिस निरिक्षक विनोद कांबळे घटनास्थळी पोहचत या पोलिस कर्मचाऱ्याला समजाविण्याचा प्रयत्न सुरु केला. अखेर तब्बल चार तासानंतर समजुत काढल्यानंतर अखेर या पोलिसाला ताब्यात घेत त्यांना पोलिस ठाण्यात नेण्यात आले. तिथे त्यांची चौकशी करण्यात आली. 

police an tried to end his life in dadar