मुंबई : मुंबई विद्यापीठाच्या दूर व मुक्त अध्ययन संस्थेच्या (आयडॉल) अंतिम वर्षाच्या तृतीय वर्ष बी.ए व बी.कॉमच्या परीक्षा सोमवारपासून (ता.26) ऑनलाईन सुरू होत आहेत. या परीक्षेपूर्वी रविवारी (ता.25) सकाळी 10 ते सायंकाळी 5 या वेळेत पुन्हा सराव परीक्षा घेण्यात येणार आहे. या सराव परीक्षेमध्ये विद्यार्थ्यांनी सहभागी व्हावे, असे आवाहन विद्यापीठाच्या वतीने करण्यात आले आहे.
20 ऑक्टोबरपासून विद्यार्थ्यांसाठी ऑनलाईन सराव परीक्षा सुरू झाल्या असून, आतापर्यंत पाच सराव परीक्षा झाल्या आहेत. याला विद्यार्थ्यांचा चांगला प्रतिसाद मिळाला आहे. रविवारी होणाऱ्या सराव परीक्षेसाठी काही विद्यार्थ्यांना ई-मेलवर सराव परीक्षेची लिंक मिळाली असून, ते अजूनपर्यंत सराव परीक्षेस बसले नाहीत. अशा विद्यार्थ्यांची यादी विद्यापीठाच्या संकेतस्थळावर व आयडॉलच्या लिंकवर टाकण्यात आली आहे. या विद्यार्थ्यांसाठी ही सराव परीक्षा देणे आवश्यक आहे. सराव परीक्षेमुळे अंतिम परीक्षा देण्यास कोणतीही अडचण येत नाही.
अंतिम वर्षाच्या तृतीय वर्ष बीए व बीकॉमच्या विद्यार्थ्यांसाठी ही सराव परीक्षा शेवटची असेल, असे आयडॉलच्या अधिकाऱ्यांनी स्पष्ट केले आहे. ज्या विद्यार्थ्यांनी सराव परीक्षा दिलेली नाही. त्यांची यादी विद्यापीठाच्या संकेतस्थळावर टाकली आहे. विद्यार्थ्यांनी या यादीत नाव पाहून संकेतस्थळावर दिलेल्या 10 हेल्पलाईन क्रमांकावर संपर्क साधावा, असे आवाहन विद्यापीठाने केले आहे.
Practice exams for Idol final year students List of on the website
----------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.