मुंबई : शिवसेना( ठाकरे) गटाच्या पूर्व विदर्भ महिला संपर्क संघटक आणि प्रवक्त्या प्रा.शिल्पा बोडखे यांनी आज (ता.२६) वर्षा निवासस्थानी मुख्यमंत्री एकनाथ शिंदे यांच्या हस्ते शिवसेनेत प्रवेश केला. यावेळी शिवसेना महिला नेत्या डॉ. नीलम गोऱ्हे या उपस्थित होत्या.

बाळासाहेब भवन येथे नीलम गोऱ्हे यांनी शिल्पा बोडखे यांचे पुष्पगुच्छ व भगवा झेंडा देऊन शिवसेनेत स्वागत केले. त्यांना पक्षात आणण्यासाठी गोऱ्हे यांनी पुढाकार घेतला होता. यावेळी आपल्या भावना व्यक्त करताना शिल्पा बोडखे यांनी प्रामाणिकपणे काम करत संघटना वाढवण्याचा प्रयत्न केला. पण शिवसेना भवनात बसून काहींनी सतत षडयंत्र रचून वारंवार संघटन विस्कळीत करण्याचा प्रयत्न केला.त्यामुळे उबाठा मधून शिवसेनेत प्रवेश केला असल्याचे सांगितले.

शिवसेनेत स्त्रियांचा कायमच सन्मान होत असतो आणि त्यांना प्रोत्साहन देखील दिले जाते त्यामुळे महिला मोठ्या संख्येने पक्ष प्रवेश करत आहेत

डॉ. नीलम गोऱ्हे , शिवसेना नेत्या