नवी मुंबई: नवी मुंबई आंतरराष्ट्रीय विमानतळाला दि. बा.पाटील (d b patil) यांचे नाव देण्याच्या मागणीसाठी आज नवी मुंबई, ठाणे, कल्याण, डोंबिवली, मिरा भाईंदर, वसई-विरार अशा विविध परिसरातून भूमिपुत्र सिडको भवन परिसर तसेच नवी मुंबई (Navi mumbai) महानगरपालिका परिसरात दाखल झाले आहेत. मात्र यामध्ये विशेष लक्ष वेधून घेतले ते ठाण्यातील बाळकुंभ पाडा येथील सई पाटील (sai patil) या चिमुरडीने. (protest for d b patil name to navi mumbai international airport Thane sai patil cycling 30 km for protest)

नऊ वर्षाची सई जवळपास ३० किलोमीटर सायकल चालवत आंदोलनात सहभागी होण्यासाठी आली आहे. दि.बा.पाटील यांचे नाव नवी मुंबई आंतरराष्ट्रीय विमानतळाला देण्याचे आवाहन करण्यासाठी ती आंदोलनात सहभागी झाली आहे.

दरम्यान, तिच्याशी बातचीत केली असता तिने सांगितले की, "मला माझ्या पालकांकडून दिवंगत दि.बा.पाटील यांच्या योगदानाविषयी सांगण्यात आले." मी देखील माझ्या सर्व भूमिपुत्रांची धडपड पाहत आहे. यामुळे नवी मुंबई आंतरराष्ट्रीय विमानतळाला दिवंगत दि.बा.पाटील यांचे नाव देणे आम्हा भूमिपुत्रांसाठी अभिमानास्पद असून राज्य सरकारने याबाबत निर्णय घ्यावा अशी प्रतिक्रिया बाळकुंभ पाडा येथील भूमिपुत्रांनी केली.