मुंबई : दिल्लीतील जेएनयू विद्यापीठाच्या शुल्कवाढीविरोधात बुधवारी (ता. 20) विविध संघटनांनी जॉइंट ऍक्‍शन कमिटी फॉर सोशल जस्टीस या संघटनेच्या नेतृत्वाखाली मुंबई विद्यापीठाच्या कलिना कॅम्पस येथील मुख्य गेटबाहेर आंदोलन केले. या वेळी आयआयटी मद्रासमध्ये फातिमा लतिफ आत्महत्या प्रकरणाची चौकशी करण्याची मागणी या वेळी आंदोलकांनी केली. या वेळी केंद्र सरकारविरोधात जोरदार घोषणाबाजी करण्यात आली. 

भारतीयांचे आठ तास व्हि़डीओवर खर्ची

शुल्कवाढीविरोधात आंदोलन करणाऱ्या जेएनयूमधील विद्यार्थ्यांवर पोलिसांनी जोरदार लाठीचार्ज केला. यानंतरही विद्यार्थ्यांनी आपले आंदोलन सुरूच ठेवले आहे. या आंदोलनाचे पडसाद देशभरातील विद्यापीठांमध्ये पाहावयास मिळत आहेत. जेएनयूमधील विद्यार्थ्यांच्या लढ्याला पाठिंबा देण्यासाठी विविध संघटनांनी एकत्रित येत कलिना कॅम्पसच्या गेटबाहेर आंदोलन केले. या आंदोलनात मुंबईतील महाविद्यालयीन विद्यार्थी मोठ्या प्रमाणात सहभागी झाले होते. आयआयटी मद्रासमधील अल्पसंख्याक विद्यार्थिनीला प्रशासनाने मानसिक त्रास दिल्याने तिने आत्महत्या केल्याचा आरोप या वेळी विद्यार्थ्यांनी केला. फातिमा लतिफ आत्महत्या प्रकरणाची चौकशी करण्याची मागणी या वेळी विद्यार्थ्यांनी केली. 

कौमार्यत्व पटवून देणाऱ्या व्हर्जिनिटी कॅप्सूलचा सुळसूळाट

जेएनयू विद्यापीठात मागासवर्गीय विद्यार्थ्यांना कमी पैशांत चांगले शिक्षण मिळत आहे. मागासवर्गीयांना दर्जेदार शिक्षण मिळू नये यासाठी विद्यापीठाकडून शुल्कवाढ करण्यात येत असल्याचा आरोप स्टुडंट इस्लामिक संघटनेचे रफिद साहेब यांनी केला. फातिमा लतिफ आत्महत्या प्रकरणातील दोषी व्यक्तींवर कारवाई करण्याची मागणी या वेळी त्यांनी केली. या आंदोलनाला समता विद्यार्थी आघाडी, सम्यक विद्यार्थी आंदोलन, विद्यार्थी भारती, छात्र भारती आणि भारत बचाओ आंदोलन अशा अनेक संघटना सहभागी झाल्या होत्या.