खोपोलीः खालापूर युवा वकील संघटनेतर्फे आयोजित क्रिकेट स्पर्धेत खालापूर कोर्ट "ए' संघ विजेतेपदाचा मानकरी ठरला; तर खालापूर कोर्ट "बी' संघाने उपविजेतेपद पटकाविले. उत्कृष्ट गोलंदाज म्हणून साळवी भाऊसाहेब, फलंदाज ऍड. सोमनाथ दळवी यांची निवड झाली. सामनावीरचा किताब सह न्यायाधीश धोंडगे यांनी मिळविला. उत्कृष्ट खेळाडू म्हणून ऍड. अभिषेक दुरगुडे, देशमुख भाऊसाहेब यांची निवड करण्यात आली.
खालापूर न्यायालयातील वकील, न्यायाधीश, कर्मचारी असे एकत्र मिळून चार संघ तयार करण्यात आले. खालापूर कोर्ट "ए' संघाचे नेतृत्व सहन्यायाधीश धोंडगे यांनी केले. खालापूर कोर्ट "बी' संघाचे नेतृत्व ऍड. महेश भद्रिके यांनी केले. खालापूर कोर्ट "सी' संघाचे नेतृत्व ऍड. मनोज पाटील यांनी केले. खालापूर कोर्ट "डी' संघाचे नेतृत्व ऍड. रितेश पाटील यांनी केले.
चारही संघांमध्ये स्पर्धा होऊन अंतिम सामना खालापूर कोर्ट "ए' संघ व खालापूर कोर्ट "बी' यांच्यात झाला. यात "बी' संघाकडून 50 धावांचे आव्हान खालापूर कोर्ट "ए' संघासमोर ठेवले. खालापूर कोर्ट "ए' संघाने धावांचा पाठलाग करताना न्यायाधीश धोंडगे व ऍड. सोमनाथ दळवी यांनी तुफान फटकेबाजी करत खालापूर कोर्ट "बी' यांनी दिलेले 50 धावांचे आव्हान चार षटकांमध्येच पूर्ण केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.