अलिबाग
अलिबाग 
मुंबई

एसटी कर्मचारी फेस्टिव्हल ऍडव्हान्सपासून वंचित 

सकाळ वृत्तसेवा

अलिबाग ः गौरी, गणपतीचा सण साजरा करण्यासाठी एसटी कर्मचाऱ्यांना फेस्टिव्हल ऍडव्हान्स म्हणून पैसे दिले जातात; परंतु निधीअभावी जिल्ह्यातील 200 कर्मचारी या ऍडव्हान्सपासून वंचित आहेत. अर्ज करूनही ऍडव्हान्स न मिळाल्याने कर्मचाऱ्यांमध्ये नाराजी आहे. 
कर्मचाऱ्यांना एसटी महामंडळाकडून ईद, दिवाळी, डॉ. बाबासाहेब आंबेडकर जयंती, गौरी गणपती सणानिमित्त पैशांच्या स्वरूपात प्रत्येकाला दहा हजार रुपये फेस्टिव्हल ऍडव्हान्स म्हणून दिले जातात. ज्या कर्मचाऱ्यांचे या ऍडव्हान्ससाठी अर्ज प्राप्त झाले आहेत, त्यांनाच हा निधी दिला जातो. शून्य टक्के व्याजावर रक्कम दिली जाते. त्यानंतर दर महिन्याला एक हजार रुपयेप्रमाणे पगारातून पैसे कापले जातात. 25 हजारपेक्षा कमी वेतन असणाऱ्या कर्मचाऱ्यांनाच फेस्टिव्हल ऍडव्हान्स दिले जाते. गेल्या अनेक वर्षांपासून ऍडव्हान्स दिले जात आहे. 
या वर्षी गौरी गणपती सणानिमित्त फेस्टिव्हल ऍडव्हान्ससाठी अर्ज करण्याचे आवाहन विभागीय कार्यालयाकडून केले. 1 ते 12 ऑगस्ट या कालावधीत आगार स्तरावर कर्मचाऱ्यांनी अर्ज केले. त्याचा प्रस्ताव विभागीय कार्यालयात पाठविला. रायगड विभागात अलिबाग, पेण, रोहा, महाड, माणगाव, कर्जत, मुरूड, श्रीवर्धन ही आठ आगारे आहेत. रायगडमधील आठ आगारांतील 200 कर्मचाऱ्यांनी अर्ज केले होते. एकूण 20 लाख रुपयांचा निधी रायगडमधील कर्मचाऱ्यांना मिळणार होता; परंतु निधीच नसल्याने ऍडव्हास देणे थांबविले. त्याबाबत प्रत्येक आगारात विभागीय कार्यालयाकडून पत्रव्यवहार झाला. 

निधीची कमतरता असल्याने या वेळी गौरी गणपतीनिमित्त फेस्टिव्हल ऍडव्हान्स देता येणे शक्‍य नाही. 
- अनघा बारटक्के, विभाग नियंत्रक, रायगड 

आम्हाला फेस्टिव्हल ऍडव्हान्स दिले जाते. या वेळेला अर्ज करण्याचे आवाहन केले होते. त्यानुसार आम्ही ऍडव्हान्ससाठी अर्ज केले होते; परंतु निधी नसल्याचे कारण सांगून आम्हाला महामंडळाने अंधारात ठेवले आहे. पहिल्यांदाच असा प्रकार घडला आहे. 
- एक एसटी कर्मचारी 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Dharashiv Loksabha election : ...म्हणून ओमराजे निंबाळकर शिंदेंसोबत गेले नाहीत; 'सकाळ'च्या खास मुलाखतीत केला खुलासा

T20 World Cup 2024: BCCI निवड समितीची जय शाह यांच्यासोबत अहमदाबादमध्ये बैठक! टीम इंडियाची घोषणा कधी? अपडेट्स आल्या समोर

Patanjali Products Ban: पतंजलीच्या 14 औषधांवर उत्तराखंडमध्ये बंदी! सुप्रीम कोर्टानं फटकारल्याचा परिणाम

Loksabha election 2024 : बेटों के सम्मान में, 'मर्द' उतरे मैदान मे! ना विजयाची चिंता ना प्रचाराची फिकीर; पुरुषांच्या हक्कासाठी निवडणुकीच्या मैदानात

Thomas Cup 2024: भारताचा पुरुष बॅडमिंटन संघ उपांत्यपूर्व फेरीत, इंग्लंडचा 5-0 ने उडवला धुव्वा

SCROLL FOR NEXT