Khalapur Funeral Procession : रायगड जिल्ह्यातील खालापूर इथं मुसळधार पावसामुळं नदीला आलेल्या पुरातून एका मृत व्यक्तीची अत्यंयात्रा काढण्यात आली. जोरदार वाहणाऱ्या पाण्यातून अत्यंत धोकायदाकपणे लोक मृतदेह घेऊन जात असतानाची दृश्ये समोर आली आहेत. ही दृश्ये पाहून तुमच्या अंगावर शहारे येतील.

साम टीव्हीच्या वृत्तानुसार, खालापूरच्या दुर्गम भागात राहणाऱ्या आदिवासी बांधवांवर ही परिस्थिती ओढवली आहे. इथल्या एका व्यक्तीच्या मृत्यूनंतर त्याचे नातेवाईक मंडळींनी अंत्ययात्रा काढली होती. पण मृतदेहाच्या अंत्यसंस्कारासाठी नदीच्या पाण्यातून पलिकडं नेण्याची नातेवाईकांना मोठी कसरत करावी लागली. यामध्ये तरुण, परुष आणि महिलांचाही समावेश होता.

दरम्यान, या भीषण स्थितीचा व्हिडिओ समोर आला आहे. नदीतून जात असतानाची समोर आलेली दृश्ये अंगावर काटा आणणारी आहेत. कारण या भागातील मुसळधार पावसामुळं नदीला पूर आलेला होता. या पुराच्या पाण्यातून मार्ग काढत मृतदेहाला घेऊन जाण्यात येत आहे.