नेरळ : मुसळधार पावसाचा फटका नेरळ-माथेरान घाटरस्त्याला बसला आहे. गारबट फाट्याजवळील रस्त्याच्या मधोमध एक झाड रात्रीच्या सुमारास कोसळल्‍याने वाहतूक बंद झाली होती. जवळपास तीन तास वाहतूक बाधित झाली होती. नेरळ-माथेरान टॅक्सी चालक-मालक संघटनेचे अध्यक्ष नरेंद्र कराळे यांनी याबाबत प्रशासकीय यंत्रणेला माहिती देताच, झाड बाजूला करण्याचे काम सुरू झाले.

नेरळ-माथेरान घाट रस्ता हा सह्याद्रीच्या पर्वत रांगेतील सगळ्यात किचकट घाटांपैकी एक गणला जातो. एमएमआरडीएकडून रस्ता रुंदीकरण करण्यात आले असले तरी घाट रस्त्यातील वळणे आणि चढावामुळे चालकाचे कसब पणाला लागते. वीकेण्ड असल्याने घाटात वाहनांची वर्दळ होती. झाड पडल्‍याने काही काळ वाहतूक ठप्प झाली.