मुंबई : रेल्वे रूळ, सिग्नल यंत्रणा, ओव्हर हेड वायर यांच्या देखभाल दुरुस्तीसाठी (Railway repairing work) रविवारी, (ता.30) रोजी मध्य, हार्बर आणि ट्रान्स हार्बर मार्गावर ब्लॉक घेतला जाणार आहे. तर, पश्चिम रेल्वेवर (Western railway) शनिवार-रविवारी रात्रकालीन ब्लॉक घेतला जाईल. पश्चिम रेल्वेवर रविवारी दिवसकालीन ब्लॉक नसेल.

कुठे : सीएसएमटी ते विद्याविहार अप आणि डाऊन धिम्या मार्गावर

कधी : सकाळी 10.55 ते दुपारी 3.55

परिणाम : ब्लॉक कालावधीत सीएसएमटी ते विद्याविहार अप आणि डाऊन धिम्या मार्गावरील लोकल सेवा जलद मार्गावर वळविण्यात येईल. परिणामी, या लोकल भायखळा, परळ, दादर, माटुंगा, शीव आणि कुर्ला स्थानकांवर थांबतील आणि पुढे धिम्या मार्गावर वळवल्या जातील. 

कुठे : पनवेल-वाशी अप आणि डाऊन मार्गावर (बेलापूर- खारकोपर सेवा प्रभावित नसतील; नेरुळ- खारकोपर सेवा रद्द)

कधी : सकाळी 9.45 ते सायंकाळी 4.25 पर्यंत

परिणाम : हार्बर मार्गावरील सीएसएमटी ते बेलापूर/पनवेल अप आणि डाऊन लोकल सेवा रद्द असेल. ट्रान्स हार्बर मार्गावरील पनवेल ते ठाणे अप आणि डाऊन लोकल सेवा रद्द असेल. नेरुळ ते खारकोपर मार्गावरील अप आणि डाऊन लोकल सेवा रद्द असेल. ब्लॉक कालावधीत बेलापूर आणि खारकोपर दरम्यान लोकल वेळापत्रकानुसार धावतील. सीएसएमटी - वाशी सेक्शनमध्ये विशेष लोकल चालविण्यात येतील. ठाणे - वाशी/नेरुळ स्थानकांदरम्यान ट्रान्सहार्बर मार्गावरील लोकल सेवा उपलब्ध असतील.

कुठे : वसई रोड ते वैतरणा अप आणि डाऊन जलद मार्गावर

कधी : शनिवारी रात्री 11.50 ते रविवारी पहाटे 4.30 पर्यंत

परिणाम : वसई रोड ते वैतरणा अप आणि डाऊन जलद मार्गावर रात्रकालीन ब्लॉक असेल. ब्लॉकवेळी गाडी क्रमांक 09101 विरार-भरूच मेमू नियमित पहाटे 04.35 वाजेऐवजी 15 मिनिटे उशिराने धावेल. त्यामुळे विरारहून ही गाडी 4.50 वाजता सुटेल. तर, रविवारी दिवसकालीन कोणताही ब्लॉक घेतला जाणार नाही.