ठाणे -  ठाणे शहरात शुक्रवार पाठोपाठ शनिवारीही पावसाची धुंवाधार बरसणे सुरु होते. शनिवारी सकाळ पासून सुरु झालेल्या पावसाने दुपारनंतर मात्र, विश्रांती घेतली. त्यामुळे मागील दहा तासात 50.54  मिमी इतक्या पावसाची नोंद करण्यात आली. या दरम्यान, शहरात झाडे उन्मळून पडण्याची एकही तक्रार ठाणे महानगर पालिकेच्या आपत्ती व्यवस्थापन कक्षाकडे प्राप्त झाली नसल्याची माहिती आपत्ती कक्षाकडून देण्यात आली.

वसईत पालिका आणि सार्वजनिक बांधकाम खात्याच्या वादात 'जनता गेली खड्डयांत';  रस्त्यांच्या दुर्दशेमुळे नागरिक हैराण

     ठाणे शहरात शुक्रवारी सकाळ पासून पावसाने हजेरी लावली. त्यात सलग दुसऱ्या दिवशी शनिवारी देखील सकाळ पासून पावसाने आपली संततधार सुरु ठेवली. सलग दोन दिवसापासून बरसणाऱ्या पावसामुळे वातावरणात कमालीचा गर्व निर्माण झाला होता. शुक्रवारी सकाळी 8.30 ते शनिवार सकाळी 8.30 या 24 तासाच्या कालावधीत 101.02 मिमी पावसाची नोंद करण्यात आली. या दरम्यान, ठाणे महापालिका आपत्ती व्यवस्थापन विभागाकडे 11 तक्रारी प्राप्त झाल्या आहेत. तर, शनिवारी सकाळी 8.30 ते सायंकाळी 6.30 या दहा तासाच्या कालावधीत शहरात 50.54 मिमी पावसाची नोंद करण्यात आली. या काळात शहरत कुठलीही घटना घडली नसल्याची माहिती ठाणे महापालिकेच्या आपत्ती व्यवस्थापन कक्षाकडून देण्यात आली.

-----------------------------------------------------------

( संपादन - तुषार सोनवणे )