महाराष्ट्र नवनिर्माण सेनेचे अध्यक्ष राज ठाकरे यांनी ठाण्यातील उत्तर सभेत पंतप्रधान नरेंद्र मोदीकडे समान नागरी कायदा आणि लोकसंख्या नियंत्रण कायदा आणण्याची मागणी केली. मोदींचे जर निर्णय पटले नाहीत तर त्यांना मी पुन्हा विरोध करेन असं ते म्हणाले. (Raj Thackeray Thane Uttar Sabha speech)

राज ठाकरे म्हणाले, "पंतप्रधान नरेंद्र मोदींनी बाकीच्या गोष्टी सोडाव्यात आजही माझं त्यांना सांगणं आहे की, त्यांनी या दोन मागण्या पूर्ण कराव्यात. या देशावर खूप मोठे उपकार होतील. एक म्हणजे या देशात समान नागरी कायदा आणा आणि दुसरं म्हणजे या देशातील लोकसंख्येवर नियंत्रण आणता येईल असा कायदा आणा. आम्हाला काही आसुया नाही की आमच्याकडे एक तुमच्याकडे पाच-पाच आहेत. आम्हाला त्याचा त्रास होत नाही पण ज्या प्रमाणात लोकसंख्या वाढतेय त्यामुळं देश एकदिवस फुटेल. पण या देशात या गोष्टी होणं आवश्यक आहे. त्यामुळं मला ज्या गोष्टींचा विरोध करायचा होता तो केला. उद्या काही पटलं नाही तर पुन्हा करेन"