मुंबई : महाराष्ट्र नवनिर्माण सेना (MNS) आणि राष्ट्रवादी काँग्रेस (NCP) मध्ये एकमेकांवरील टीका-टिपणीमुळे राज्यातील राजकीय (Political) वातावरण तापले आहे. आज (Raj Thackeray) राज ठाकरे यांनी आजोबा प्रबोधनकार ठाकरे (Prabodhankar Thackeray) यांचे एक वचन ट्विट (Tweet) करत पुन्हा एकदा राष्ट्रवादीला (NCP) चिमटा काढला.

जिथे चिकित्सा-स्वातंत्र्य नाही, तिथे बौद्धिक विकास नाही... जिथे बौद्धिक विकासाला बंदी, तिथे राज्यकर्त्यांनी समाज-विकासावर मोठमोठी व्याख्याने देणे, म्हणजे बांडगुळानेच झाडाचं रक्त शोषणं होय! असे राज यांनी ट्विट केले आहे. प्रबोधनकारांच्या ‘माझी जीवन गाथा’ या पुस्तकातील संदर्भ देणाऱ्या ‘ट्विट’मधून शरद पवार यांच्यावर पलटवार करण्याचा प्रयत्न केला आहे.

राज्यात जातीचा मुद्दा, त्यांच्या त्यांच्या नेत्यांच्या आयडेंटिटीचा मुद्दा झालाय. राज्यात जातीचा मुद्दा राष्ट्रवादी काँग्रेसच्या जन्मानंतर मोठा झाला, असे राज म्हणाले होते. राज यांच्या या टिप्पणीनंतर राष्ट्रवादी काँग्रेस पक्षाचे राष्ट्रीय अध्यक्ष शरद पवार यांनी राज ठाकरे यांना प्रबोधनकारांचे लिखाण वाचण्याचा सल्ला दिला होता. यानंतर दोन्ही पक्षांच्या कार्यकर्त्यांनी ही टीका टिप्पणी केली होती. यावर शनिवारी राज यांनी पुन्हा एकदा ट्विट केले.