मुंबई : मध्य रेल्वेची सीएसएमटी ते मनमाड राज्यराणी एक्स्प्रेस 11 जानेवारीपासून आता नांदेडपर्यंत धावणार आहे. या एक्स्प्रेसचा क्रमांकही बदलण्यात आला असून सीएसएमटी ते मनमाडदरम्यान ती अतिजलद गाडी म्हणून धावेल, असे रेल्वे मंत्रालयाने कळवले आहे. या एक्स्प्रेसच्या तिकिटांचे 10 जानेवारीपासून आरक्षण करता येणार आहे.
ही एक्स्प्रेस दररोज सायंकाळी 6.45 वाजता सीएसएमटी येथून सुटणार असून नांदेडला ती दुसऱ्या दिवशी सकाळी 7.20 वाजता पोहोचणार आहे. परतीच्या प्रवासासाठी ती दररोज रात्री 10 वाजता सुटून दुसऱ्या दिवशी सकाळी 10.07 वाजता सीएसएमटीला पोहोचणार आहे. या एक्स्प्रेसला एसी टू-टायरचा एक, एसी थ्री-टायरचा एक, एसी चेअर कारचा एक, शयनयान श्रेणीचे तीन, द्वितीय श्रेणी चेअर कारचे नऊ आणि सर्वसाधारण श्रेणीचे दोन डबे असणार आहेत.
यांपैकी एसी चेअर कारचा एक आणि द्वितीय श्रेणी चेअर कारचे आठ डबे मनमाडमध्ये खुले केले जाणार आहेत. त्यामुळे मनमाड ते सीएसएमटी प्रवास करणाऱ्यांना दिलासा मिळणार आहे. एक्स्प्रेसच्या थांब्यांमध्ये मात्र कोणताही बदल करण्यात आलेला नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.