मुंबई : रिझर्व्ह बँकेने आज नियमांच्या अंमलबजावणीतील तृटींसंदर्भात अॅक्सीस बँकेला ९३ लाखांचा व आयडीबीआय बँकेला ९० लाखांचा दंड ठोठावला आहे. कर्जे देणे, दंडआकारणी, केवायसी सेवा व बचत खात्यांमध्ये किमान शिल्लक नसणे यासंदर्भात रिझर्व्ह बँकेने दिलेल्या आदेशाचा भंग केल्याप्रकरणी अॅक्सीस बँकेवर ही कारवाई केली.

तर आयडीबीआय बँकेने फसवणुक व सायबर सुरक्षा यासंदर्भात नियमभंग केल्याने रिझर्व्ह बँकेने स्पष्ट केले आहे. मात्र या बँकांचे काही व्यवहार किंवा ग्राहकांशी केलेले करार चुकीचे आहे, असा या कारवाईचा अर्थ नसल्याचेही रिझर्व्ह बँकेने सांगितले आहे.