मुंबई : एसटी महामंडळाच्या 150 गाड्यांनी दोन हजार 500 चाकरमानी कोकणात दाखल झाले असून, सुमारे 8 हजार चाकरमानी कोकणात गौरी गणपतीच्या उत्सवासाठी एसटी बसचे आरक्षण केले आहे. यामध्ये रविवारी 70 गाड्या गुरूवार ते रविवार या चार दिवसात एकूण 150 एसटीने आतापर्यंत सोडल्या आहे. 11 ऑगष्ट रोजी मंगळवारी सर्वाधिक 109 गाड्या कोकणासाठी धावणार आहे.
कोकणातील गौरी गणपतीच्या उत्सवाला दरवर्षीप्रमाणे यावर्षीही मुंबई उपनगरातील चाकरमानी आपल्या गावी जाण्यासाठी निघाले आहे. परिवहन मंत्र्यांनी यासाठी 3000 बसेस सोडण्यात येणार असल्याची घोषणा केली होती. त्यानंतर 6 ऑगष्टपासून या बसेस सोडण्यात येत आहे. यामध्ये 6 ते 12 ऑगस्ट अखेर पर्यंत 550 बसेस आगाऊ आरक्षणासाठी उपलब्ध करुन दिल्या आहेत.
मुंबई, ठाणे, पालघर येथील प्रमुख बसस्थानकातून सुटणार्‍या बसेस कोकणातील गावांपर्यंत धावणार आहे. असल्याने चाकरमान्यांनी त्याला उत्तम प्रतिसाद दिला आहे. 8 हजार प्रवाशांनी ऑनाईन तिकीट बुकिंग केले आहे, एसटीच्या ग्रृप बुकींग योजनेला चाकरमान्यांचा चांगला प्रतिसाद मिळत आहे. यामध्ये रविवारपर्यत ग्रुप बुकिंगच्या 30 गाड्या आरक्षित झाल्या असून, या सर्व गाड्या कोंकणात रवाना होणार आहे.
12 ऑगष्टनंतरही सेवा सुरू राहणार
सुरूवातीला 6 ते 12 ऑगष्टपर्यंतच 'एसटी'ची सेवा सुरू ठेवण्यात येणार असल्याचे परिवहन मंत्र्यांनी घोषणा केली होती. मात्र, आता 12 ऑगष्टनंतर सुद्धा एसटीची कोकणासाठी सेवा सुरूच राहणार असल्याचे एसटी महामंडळाने सांगितले.
----------------------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.