नालासोपारा :- कोरोनाचा प्रादुर्भाव रोखण्यासाठी शासनाने परिपत्रकाद्वारे यंदाच्या गणेशोत्सवाबाबत नियमावली घालून दिली आहे. या नियमावलीचे काटेकोर पालन करावे यासाठी वसई ताल्युक्यातील 7 पोलीस ठाण्याच्या अंतर्गत विविध गणेश मंडळ सोबत बैठका घेऊन, गणेश मंडळांना मार्गदर्शक सूचना केल्या होत्या. पोलिसांच्या या सूचना व अहवानाला साथ देत वसई ताल्युक्यातील 736 सार्वजनिक गणेश मंडळांपैकी 181 गणेश मंडळांनी स्वस्फूर्तीने यंदाचा गणेशोत्सव रद्द केला असून, 53 मंडळांनी सार्वजनिक गणेश उत्सवाचे रूपांतर घरगुती गणपतीमध्ये केले आहे.  तर 555 गणेशोत्सव मंडळ सोशल डिस्टन्सचा राखून अगदी साध्या पद्धतीने गणेशोत्सव साजरा करणार असल्याची माहिती वसई चे अप्पर पोलीस अधीक्षक विजयकांत सागर यांनी  'सकाळ' शी बोलताना दिली आहे. 

म्हणून सिद्धिविनायक मंदिर ट्रस्टला हायकोर्टाकडून नोटीस, वाचा संपूर्ण प्रकरण

यंदा गणेशोत्सवावर कोरोनाचे संकट आहे. लॉकडाऊनमध्ये अनेकांच्या नोकरी गेल्या आहेत. अनेकांवर आर्थिक संकट आहे. त्यामुळे आज गणेश चतुर्थीच्या दिवशी संपूर्ण वसई विरार नालासोपाऱ्यात रस्ते, भाजारपेठ, कालाकेंद्र, सर्वच ठिकाणी निरुत्साह आहे. वसई विरार नालासोपाऱ्यात कोरोनाचा प्रादुर्भाव जास्त असल्याने वसईचे अप्पर पोलीस अधीक्षक विजय कांत सागर यांनी गणेश मंडळांना अहवान करून, यंदाचा गणेशोत्सव साध्या पद्धतीने साजरा करावा, शक्य झाले तर रद्द करावा आणि त्याचा शिल्लक निधी मुख्यमंत्री सहाय्यता निधीला मदत म्हणून द्यावा  असे अवाहन केले होते. त्या पार्श्वभूमीवर याची सुरूवात त्यांनी त्यांच्या पोलीस ठाण्यातील गणेशोत्सव रद्द करू केली आणि त्यातील जमा झालेल्या निधी मुख्यमंत्री सहाय्यता निधीला देणार असल्याचे सांगितले आहे. 

मुख्यमंत्र्यांनी कोरोना संदर्भात दिली महत्त्वाची माहिती, केलं सतर्क राहण्याचं आवाहन

गणेश उत्सवाच्या पार्श्वभूमीवर 7 पोलीस ठाण्याचे प्रभारी, 3 उपायुक्त, पोलीस कर्मचारी, दंगलनियंत्रण पथक, राज्य राखीव दल, स्पेशल ट्रेकिंग फोर्स वसई ताल्युक्यात तैनात केला आहे. गणेशाचे विसर्जनाच्या ठिकाणी कोणतीही गडबड, गोंधळ होणार नाही, गर्दी जमणार नाही, याची दक्षताही घेण्यात येणार आहे.

----------------------------------------------

( संपादन - तुषार सोनवणे )