मुंबई ः मुंबईतील अनेक दुकाने ऊघडण्यास सुरुवात झाली आहे, पण मुंबईची, विशेषतः दक्षिण मुंबईची ओळख असलेला फॅशन स्ट्रीट अद्याप खुला झालेला नाही. लॉकडाऊननंतर काही दुकाने ऊघडण्यास परवानगी मिळाली, पण अद्याप फॅशन स्ट्रीट खुला करण्यास मंजूरी मिळालेली नाही.

अरे वाह! मुंबईत कोरोनाबाधित पोलिसांच्या संख्येत 'अशी' झाली घट

मुंबई अनलॉक करण्यास सुरुवात झाली. काही नियम आणि अटींसह 5 जूनपासून मुंबईतील काही दुकाने खुली करण्यास परवानगी देण्यात आली आहे, पण फॅशन स्ट्रीट सुरु करण्यास अद्याप मान्यता न मिळाल्याचे सांगण्यात येते. कमी किंमतीत येथे कपडे मिळता, त्यापेक्षा एखादे कसलेले गिऱ्हाईक सांगितलेल्या दरापेक्षा खूपच कमी किंमतीत कपडे खरेदी करतात. त्यामुळे हा परिसर कायम गजबजलेला असतो. येथे मुंबईच्या उपनगरातीलच नव्हे तर परदेशातून येणारे पर्यटकही खरेदीसाठी येत असत. मात्र सध्या हा भाग सुनासुना आहे.

मुंबईतील बातम्या वाचण्यासाठी येथे क्लिक करा

मुंबईतील दुकाने 5 जूनपासून खुली होणार हे कळल्यामुळे येथील दुकानदार खूष झाले होते. त्यातील अनेकांनी त्यापूर्वी येऊन आपली दुकाने स्वच्छ केली. रस्त्याबाहेर प्लॅस्टीक लावण्याची व्यवस्था केली. दुकानाबाहेर लावलेले कपडे पावसात भिजू नये यासाठी ही खबरदारी घेण्यात आली, पण येथील दुकाने खुली होण्यास मंजूरी मिळाली नाही. आता ही दुकाने 15 जूनपासून खुली होतील असे सांगितले जात आहे. 

वडा-पाव, मिसळचा आस्वाद घेण्यासाठी मुंबईकरांची गर्दी

फॅशन स्ट्रीटवर सध्या चारशेच्या आसपास दुकाने असल्याचे काहींचे म्हणणे आहे. पूर्वी फॅशन स्ट्रीट हा म्युझियमच्या नजिक होता, पण तीस वर्षापासून तो सध्याच्या ठिकाणी आला आहे तसेच दुकानांच्या संख्येतही तीन वर्षात जवळपास तिप्पट वाढ झाली असल्याचे सांगितले जाते. प्रत्येक दुकानात किमान शंभर ग्राहक रोज येतात आणि त्यांचे रोज दोनशे ते अडिचशे कपडेही प्रसंगी विकले जात असत. आता हे दिवस पुन्हा कधी येणार याबाबत कोणालाच माहीती नाही.