मुंबई : आंतरराष्ट्रीय धावपटू कविता राऊत यांनी राज्यपाल भगतसिंग कोश्यारी यांची भेट घेतली आहे. धावपटू कविता राऊत यांनी वर्ष २०१४ पासून सरकारी नोकरी मिळावी म्हणून अर्ज दाखल केला होता. मात्र कविता राऊत यांच्यानंतर ज्यांनी नोकरीचा अर्ज केला आहे त्यांची शासकीय सेवेत नियुक्ती झाली आहे. अशात कविता राऊत या अद्यापही नोकरीच्या प्रतीक्षेत आहेत. म्हणून कविता राऊत यांनी आता थेट राज्यपाल भगतसिंग कोश्यारी यांची भेट घेतली आहे. 

महत्त्वाची बातमी : २०१५ साली मुंबई- उपनगरात सर्वाधिक मृत्यू प्रमाण, माहिती अधिकारातून बाब उघड

कविता राऊत म्हणतात... 

याबाबत बोलताना धावपटू कविता राऊत म्हणाल्यात की, "२०१४ पासून मी वर्ग एक साठी अर्ज केला होता. त्यानंतर मी कायम याबाबत संबंधित अधिकाऱ्यांशी बातचीत करून फॉलोअप घेत होते. माझ्यानंतर ज्यांनी वर्ग एक साठी ज्यांनी अर्ज केला होता त्यांच्या नियुक्त्या केल्या गेल्या. मला मात्र न्याय मिळालेला नाही.२०१८ मध्ये जी यादी निघाली त्यातही माझं नाव नव्हतं. मी ग्रामीण भागात लहानाची मोठी झाली आहे. मला ग्रामीण भागातील खेळाडूंसाठी काम करायची इच्छा असून याबाबत विचार डोक्यात ठेऊन मी वर्ग एकसाठी अर्ज केला होता. मात्र मला अजूनही न्याय मिळाला नाही", अशी खंत कविता राऊत यांनी बोलून दाखवली.

महत्त्वाची बातमी : जागा ठरली ! तुम्हाला दिली जाणारी कोरोनाची लस मुंबईत 'इथे' साठवली जाणार

पुढे बोलताना कविता राऊत यांनी शालेय शिक्षण आणि क्रिडा विभागवार गंभीर आरोप केले आहेत. त्या म्हणतात, "राज्यपाल भगतसिंग कोश्यारी यांना भेटणे हा माझ्यासाठी शेवटचा पर्याय होता. माझं कुठे चुकतंय किंवा मी खेळात कुठे कमी पडतेय असे प्रश्न आता मला पडतायत. शालेय शिक्षण आणि क्रिडा विभागाकडून माझ्या कामात अडचणी येत आहेत. माझी फाईल तिथून पुढे जात नाही आहे, असंही कविता राऊत म्हणाल्यात.

runner kavita raut met governor bhagatsingh koshyari about her application of government job as class one officer