मुंबई : ईडीकडून अटकेच्या कारवाईनंतर संजय राऊत यांना पाठिंबा जाहीर करणाऱ्या मित्र पक्षांचे राऊत यांनी ईडीच्या कोठडीतून पत्र लिहून आभार मानले आहेत. हे आभार मानताना त्यांनी बाळासाहेब ठाकरेंच्या शिकवणुकीचा उल्लेखही केला आहे. (Sanjay Raut letter to allies from ED custody Thanks for the support)

संजय राऊत सध्या ईडीच्या कोठडीत आहेत. या ठिकाणाहूनच त्यांनी मित्रपक्षांसाठी एक पत्र लिहिलं असून याद्वारे त्यांनी आभार मानले आहेत. ईडीच्या कारवाईविरोधात काँग्रेस, तृणमूल काँग्रेस आणि इतर पक्षांनी राऊतांना पाठिंबा दिला होता. ईडीकडून अटक झाल्यानंतर राहुल गांधींसह काँग्रेसच्या इतर नेत्यांनी ट्विट करत संजय राऊत यांना पाठिंबा जाहीर केला होता.

दरम्यान, आत्ता राऊतांनी जे पत्र लिहिलं आहे ते काँग्रेसचे ज्येष्ठ नेते मल्लिकार्जुन खर्गे यांना उद्देशून लिहिलं असून यामध्ये ते म्हणतात, बाळासाहेब ठाकरेंची कायमच शिकवण राहिली आहे की, रडायचं नाही लढायचं. 'डू नॉट क्राय, फाईट फॉर व्हॉट इज राईट' या शिकवणीनुसार आम्ही काम करतोय. पण जी कारवाई माझ्यावर झाली आहे त्याला सर्वच मित्रपक्षांनी पाठिंबा दिला आहे, असंही त्यांनी म्हटलं आहे.