मुंबई : भाजपसोबत गेलेले अजित पवार यांना ब्लॅकमेल करण्यात आले आहे. तेही कदाचित परत येतील असे आम्हाला वाटते. धनंजय मुंडेही आमच्या संपर्कात आहेत. सरकार आमचेच येणार हे निश्चित आहे, असे शिवसेना खासदार संजय राऊत यांनी म्हटले आहे. 

पवार कुटुंबात उभी फूट; सुप्रिया सुळेंचे डोळे पाणावले

संजय राऊत म्हणाले, की चंद्रकांत पाटील यांनी पक्षाचा विचार करावा. त्यांनी आपला पक्ष वाचवावा. चोरासारखे ते वागत आहेत, ते चंद्रकांत पाटलांनी पाहावे. हा महाराष्ट्र आहे. चंद्रकांत पाटलांसह भाजपचे 35 आमदार आमच्यासोबत आहेत, असेही आम्ही म्हणू शकतो. आम्हीही म्हणू शकतो गडकरींचा आम्हाला पाठिंबा आहे.

'सकाळ'चे मोबाईल ऍप डाऊनलोड करा

अजित पवार यांनी भाजपसोबत जाऊन उपमुख्यमंत्रीपदाची शपथ घेतली होती. त्यानंतर ही पत्रकार परिषद घेऊन शरद पवार यांनी प्रतिक्रिया दिली. या परिषदेला राष्ट्रवादी काँग्रेसचे अध्यक्ष शरद पवार यांच्यासह शिवसेना पक्षप्रमुख उद्धव ठाकरे उपस्थित होते. राजभवनात आज (शनिवार) सकाळी आठ वाजता राज्यपाल भगतसिंग कोशियारी यांनी फडणवीस आणि अजित पवार यांनी मुख्यमंत्री व उपमुख्यमंत्रीपदाची शपथ घेतली. यावेळी पार्थ पवार, सुनेत्रा पवार राजभवनात उपस्थित होत्या. मात्र, शरद पवार यांनी राष्ट्रवादी अजित पवारांच्या पाठिशी नसल्याचे स्पष्ट केले आहे.