मुंबई : योगी आदित्यनाथ यांचा मुंबई दौरा चांगलाच गाजतोय. यावर शिवसेनेचे फायरब्रॅन्ड नेते संजय राऊत यांनी योगी आदित्यनाथ यांच्या दौऱ्यावर पुन्हा भाष्य केलंय. संजय राऊत माध्यमांना म्हणालेत, "मुंबईचे महत्त्व कुणीही कमी करू शकत नाही, पण मुंबईच्या धर्तीवर कोणी विकास करत असेल, उत्तर प्रदेशसारख्या मागास राज्याचा विकास होणार असेल, तिथे रोजगार निर्मिती होणार असेल, तर आम्ही त्याचं स्वागत करतो. कारण मुंबईवरचा ताण कमी होईल, त्यासंदर्भात योगींना मदत लागली तर आम्ही नक्की करू", असं शिवसेनेचे फायरब्रॅन्ड नेते संजय राऊत म्हणालेत.  

महत्त्वाची बातमी : अभिनेत्रीचा मास्क काढून शिवसैनिक उर्मिला यांचा योगी आदित्यनाथ यांना "जय महाराष्ट्र"; मातोंडकर ऍक्शन मोडमध्ये

"तिथे मागासलेपण जास्त"

"संपूर्ण देशाचा विकास व्हावा आणि उत्तर प्रदेशचा सर्वात आधी व्हावा, कारण संपूर्ण देशावर त्यांचा ताण आहे, तिथे मागासलेपण जास्त आहे, याआधी देखील नोयडायेथे फिल्मसिटी उभी राहिली होती. त्याचं काय झालं? तसा देखील पुनर्विकास त्यांनी करायला हवा. अनेक कलाकार जे जुहू, बांद्रा, पाली हिल तिथे राहतात ते देखील उत्तर प्रदेशमध्ये शिफ्ट होणार का? भारतीय जनता पार्टीच्या लोकांनी मुंबईला पाकव्याप्त काश्मीर हणून संबोधलं होतं. आता भारतीय जनता पार्टीच्या लोकांनी हे स्पष्ट केले पाहिजे, की योगीजी मुंबईत आले आहेत की पाकव्याप्त काश्मीरमध्ये, कारण ती नटी म्हणते ते POK आहे." 

महत्त्वाची बातमी : मुंबई देशाचे पोट भरते, शेवटी उत्तर प्रदेशच्या मुख्यमंत्र्यांना इथे यावे लागते, हा मुंबईचा गौरव आहे, असंही राऊत म्हणालेत. 

उर्मिला मातोंडकर यांच्यामुळे पक्षाला एक नवा चेहरा मिळाला, त्यांचा अभ्यास चांगला आहे,  राज्यपालांना कॅबिनेटने केलेला प्रस्ताव मंजूर करावा लागेल, मला वाटत नाही राज्यपाल कोणते घटनेच्या विरोधात काम करतील, थोडा उशीर होईल, कारण बारा नावांचा तो अभ्यास असतो,  इतका महान अभ्यास असतो, त्यामुळे उशीर होईल पण नक्की सही करतील. 

sanjay raut on yogi aadityanath says yogi should tell is it POK or mumbai