मुंबई : तंत्रज्ञानाच्या क्षेत्रात देशभरात नावाजलेल्या आणि मोठ्याप्रमाणात इंजिनियर घडवणाऱ्या मुंबई आयआयटीमध्ये (Mumbai IIT ) आता लिंग जागरुकतेचे (sex education) धडे शिकवले जाणार आहेत. आयआयटी मुंबई संकुलात मुलींचे प्रमाण (girls) प्रचंड मोठ्या प्रमाणात कमी असून त्या पार्श्वभूमीवर मुलींना जुळवून घेण्यासाठी हा अभ्यासक्रम (syallabus) आणला गेला असल्याचे सांगण्यात आले. पहिल्यांदाच अशा प्रकारचा अभ्यासक्रम आयआयटी मुंबईमध्ये शिकवला जाणार असून विशेष म्हणजे हा अभ्यासक्रम विद्यार्थ्यां (students) सोबतच येथील प्राध्यापक अनेक कर्मचाऱ्यांना सुद्धा उपलब्ध असणार असल्याची माहिती आयआयटीचे संचालक प्रा. शुभाशिष चौधरी (subhasis chaudhari यांनी दिली.

आयआयटी मुंबईच्या कॅम्पसमध्ये मुलींची संख्या ही तुलनेत कमी आहे. यामुळे मुलींना येथे जुळवून घेणे कधी कधी अवघड जाते. यासाठी आयआयटी मुंबईतील ‘जेंडर कक्ष’ हा यासाठी सातत्याने विविध उपक्रम घेत असतो. आता या कक्षातर्फे एका विशेष अभ्यासक्रमाची रचना करण्यात आली आहे. ‘मूक्स’ अर्थात ऑनलाइन शिक्षणाच्या माध्यमातून लिंग जागरुकता केली जाणार आहे. यामुळे संस्थेच्या विद्वत सभेने हा शून्य श्रेयांक असलेला अभ्यासक्रम पूर्ण करण्याची सूचना करण्यात आली आहे. यामुळे संस्थेत अधिक चांगले वातावरण निर्माण होईल आणि एकमेकांविषयी आदर भावना निर्माण होईल असा विश्वास चौधरी यांनी समाज माध्यमावर लिहलेल्या पोस्टमध्ये व्यक्त केला आहे. याचबरोबर लवकरच हा अभ्यासक्रम संस्थेतील प्राध्यापक, शिक्षकेतर कर्मचारी यांच्यासाठीही विकसित करण्याचा मानस त्यांनी व्यक्त केला आहे.