मुंबई : अभिनेता सुशांतसिंह आत्महत्या प्रकरणात बॉलीवूड आणि अनेक प्रोडक्शन हाऊसचे नाव बेजबाबदार बातम्या देऊन बदनाम केले असा आरोप करणारा मानहानीचा दावा तब्बल चौतीस प्रोडक्शन कंपन्यांनी रिपब्लिक टीव्ही, टाईम्स नाऊ यांच्यासह पत्रकार अर्णब गोस्वामी आणि इतरांवर दिल्ली उच्च न्यायालयात आज केला. यामध्ये सुपरस्टार सलमान खान, आमीर खान आणि शाहरुख खानच्या कंपन्यांंचा समावेश आहे.
सुपरस्टार सलमान खान, आमीर खान, शाहरुख खान, दिग्दर्शक करण जोहर, अजय देवगण, अक्षय कुमार, आदित्य चोप्रा, फरहान अख्तर, झोया अख्तर, इ.चा समावेश आहे. याबरोबर दि फिल्म एड टेलिव्हिजन प्रोड्युसर गिल्ड औफ इंडिया, द सिने एण्ड टीव्ही आर्टिस्ट असोसिएशन यांनीही याचिका दाखल केली आहे. पत्रकार गोस्वामीसह प्रदीप भंडारी, नाविका कुमार, राहुल शिवशंकर यांच्या विरोधात याचिका केली आहे. बौलीवूड आणि प्रोडक्शन हाऊसबाबत अत्यंत वाईट शब्दात आधारहिन आरोप करण्यात आले आहेत, डर्ट, फिल्थ ड्रगिस्ट असे शब्द वापरुन बौलीवूडची बदनामी केली, असा आरोप याचिकेत केला आहे.
अनील कपूर, अरबाज खान, आशुतोष गोवारीकर, नाडियादवाला, राकेश मेहरा, कबीर खान, रोहित शेट्टी, सोहेल खान, विशाल भारद्वाज आदींच्या प्रोडक्शन हाऊसचा यामध्ये
समावेश आहे. सुशांत सिंह आत्महत्या प्रकरणात घराणेशाही आणि काम मिळण्याच्या पद्धतीवर व्रुत्तवाहिन्यांंमधून आरोप करण्यात आले आहेत. तसेच अमलीपदार्थबाबतीतही सुसाट आरोप करून बेजबाबदार वार्तांकन केले आहेत असे याचिकेत म्हटले आहे.
----------------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.