मुंबई : अभिनेत्री शिल्पा शेट्टी हिचे पती आणि उद्योगपती राज कुंद्रा यांना पॉर्न फिल्म्स तयार केल्याप्रकरणी मुंबई पोलिसांच्या गुन्हे शाखेनं अटक केली आहे. राज कुंद्रा हे या प्रकरणातील प्रमुख सुत्रधार असल्याचा आरोप आहे. याबाबत आपल्याकडे ठोस पुरावे असल्याचा दावा पोलिसांनी केला आहे. (Shilpa Shetty husband Raj Kundra arrested in porn films case aau85)

यापूर्वी याप्रकरणी अभिनेत्री गहना वशिष्ठ व मध्यस्थ म्हणून काम करणाऱ्या उमेश कामतला मालमत्ता कक्षाने पॉर्नोग्राफीप्रकरणी अटक केली होती‌. पॉर्न व्हिडीओसाठी कामतने एक ॲप तयार केला होता. यावरून तो व्हिडीओ अपलोड करायचा. गहनाकडून आलेले व्हिडीओ कुठे व कसे शेअर करायचे यासाठी तो मध्यस्थ म्हणून काम पाहत होता. व्ही ट्रान्स्फरच्या माध्यमातून 2 जीबी फाइल्स मोफत शेअर केल्या जाऊ शकतात. येथील डाटा सात दिवसांत आपोआप डिलिट होतो. ही मंडळी लिंक शेअर करण्यासाठी याचाच वापर करीत होती.

एका व्हिडीओमागे मिळायचे लाखो रुपये

गहनाला एका व्हिडीओमागे 80 लाख रुपये मिळत होते. कामत हा कुंद्रा यांच्याशी संबंधित एका कंपनीत कामाला होता.