मुंबई : भाजपशी युती करायची की नाही, यावरून चर्चा-खलबतं करून नंतर एकत्र आलेल्या शिवसेनेने यंदा पुन्हा एकदा लोकसभेत दणदणीत कामगिरी केली आहे. मुंबई आणि कोकणामध्ये शिवसेनेच्या उमेदवारांनी लक्षणीय कामगिरी करत कॉंग्रेस-राष्ट्रवादी कॉंग्रेस आघाडीला जोरदार धक्का दिला आहे.
दुपारी दीडपर्यंतच्या आकडेवारीनुसार, शिवसेनेचे उमेदवार 19 जागांवर आघाडीवर होते. कोकण-ठाणेमध्ये पाच जागांवर शिवसेना आघाडीवर आहे. मुंबईतील तीन जागांवर शिवसेना, तर तीन जागांवर भाजपच आघाडीवर आहे. त्यामुळे मुंबईत सहाही जागांवर भाजप-शिवसेनाच जिंकण्याच्या मार्गावर आहे.
गेल्या लोकसभा निवडणुकीनंतर राज्यात भाजप-शिवसेनेमध्ये दुरावा निर्माण झाला होता. 2014 मध्ये झालेल्या विधानसभा निवडणुकीपूर्वी दोन्ही पक्षांनी काडीमोड घेतला होता. निवडणुकीनंतर भाजप-शिवसेना पुन्हा एकत्र आले असले, तरीही सत्तेत असूनही दोघेही एकमेकांवर सातत्याने टीका करत होते. यंदाच्या लोकसभा निवडणुकीपूर्वी दोन्ही पक्ष युती करणार की नाही, याबद्दलही शंका होती. पण अखेर दोन्ही पक्षांनी युती केली आणि त्याचा परिणाम निकालांमध्ये दिसून येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.